Skip to Content

Friday, March 29th, 2024

شەقامی شار … حەمەشوان شەریف

Closed
by February 27, 2011 هۆنراوە

زۆر لەمێژە
بەڕێژوان و سورکێو و شێرزادو زمناکۆ و
سەردەشت عوسمانم وتبوو  
کە شووشەیەک شەرابین و نیوەمان ئەڕژێ
زۆر جار
بەهەڵەبجە و ئەنفال و دەرسیم و هەناسەی قازیم  وتبوو 
دوور بۆی مەڕۆن
  نیشتیمانیش بەیەک ڕۆژی مانگرتنی
سەرو لق و چڵ و دەستەکانی لە ناکاوا سپی ئەبێ و
قوڕگی جەلادەکانی ئەم ووڵاتەش  بەتەنافی
شورەیدا هەڵئەواسێ 
لات سەیر نەبێ شەقامی شار
بارانی شار
کوڕو کچی   کۆڵانی شار
ئەم جارەیان
نیشتیمانم  کە گوڵی گرت
تەنیا گوڵی سپی ئەگرێت

Hamashwan1@hotmail.com

Previous
Next
This site is registered on wpml.org as a development site.