وه‌سێته‌كانی گه‌نم ….بورهان ئه‌حمه‌د
تاگه‌نم مه‌رگی خۆی نه‌بینێ
تاكو ته‌رمی خۆی به‌ده‌ست خۆی نه‌نێژێ
تاكو خاك وخۆڵ كفنی نه‌دوورێ
تاشینبوون ته‌ڵقینی نه‌خوێنێ
مامزوو باڵنده‌ناچنه ئاهه‌نگی پێكه‌نینه‌وه
كاریله‌و به‌رخۆلان به‌شداری مه‌راسیمی خه‌نده ناكه‌ن
سفره‌كان هه‌رده‌بێ له‌ڕه‌نگ وله‌بۆن
له‌گوڵ وقاقاخاڵی بن
هه‌ژاران هه‌رده‌بێ چاوه‌رێی په‌نیری برسێتی بكه‌ن
هه‌رده‌بێ تامی ئه‌ناناس بلاوێننه‌وه
به‌ته‌مای ژووانی گێلاس وشاتوو بن
دووای ئه‌وه‌ی باڵنده باڵه‌كانی له‌خۆی تۆراند
بۆئه‌وه‌ی له‌گه‌ڵ فڕیندا ئاشتببێته‌وه
بۆئه‌وه‌ی سه‌ر له‌نوێ ئاسۆی لێوه‌دیاربێ
پێویسته‌نزایخۆی بگه‌یه‌نێته‌لای هه‌ور
ده‌بێ له‌ئه‌ستێره‌كان بپاڕێته‌وه
هه‌رده‌بێ بچێته‌وه‌ژێر ساباتی گه‌نم
عه‌شقه‌كه‌ی گه‌نم ئه‌وه‌نده خه‌م پۆشه
به‌رد ریشی بۆبه‌رده‌داته‌وه
مانگی فێره جگه‌ره كێشان كردووه
گیاوپونگه,كووژاڵك وژاڵای له‌سه‌رپێكه‌وه‌ژیان راهێنا
قه‌ڵه‌م خه‌جاڵه‌ت
ته‌رازووی ته‌ریقكردۆته‌وه
نووسین له‌ئاستیا شه‌رمه‌زاربووه
ئه‌و عه‌شقه ئه‌وه‌نده جوودایه
په‌پووله ده‌خاته سه‌رخوولیای شه‌رانگێزی
به‌زه‌یی به‌خشیوه‌ته ددانه‌كانی پڵنگ
كۆتر راده‌كێشێته سه‌ر مێزی تۆڵه
زۆر زوو بوو گه‌نم دركی كرد
كونده‌په‌پوو راهێنان له‌سه‌ر ته‌ناف و ته‌لی ستاتیكا ده‌كا
زۆر زوو بوو كه زانی
هه‌ڵۆ لوتكه‌ی له خۆی ره‌نجاندووه
ئێستاكه‌رامان وسه‌رنجی نه‌وه‌كانی هه‌ڵۆ
ناچارن پێكه‌نینه‌كانی بیابان لێكبده‌نه‌وه
له‌چه‌كه‌ره‌كردنی ده‌نكێك گه‌نمدا هه‌ستێك روواوه
ئه‌وه‌مان پێ راده‌گه‌یه‌نێ
ئاشووبی كه‌وتۆته نێوان سه‌وزایی و گه‌ڵاوه
هه نووكه له‌دژی كلۆرۆفیل پیلان ده‌گێرێ
له‌لاسكی گوڵه‌گه‌نمدا هه‌ستێك شینبووه
وامان پێ ده‌لێت
دره‌خت وچڵ گه‌ڵاكانی له‌خۆی زیزكرد
ئه‌مێستا مه‌جبووری سێبه‌ر بووه
ئه‌ڤینی گه‌نم دانه‌وێڵه‌ی خه یاڵ له‌سه‌رماده‌چێنێ
جه‌سته‌می گۆِریوه‌ته‌كێڵگه‌ی رووناكی
له‌لاپه‌ڕه‌ی یه‌كه‌مین رۆژی
شینبوونی زه‌ماوه‌ندی گه‌نم نووسرابوو
جووتیارانی ئه‌م ووڵاته
چاویان بڕیوه‌ته‌لووتكه
زه‌وییان فه‌رامۆش كردووه
له‌بۆشایی ئاسماندا
به‌ته‌مای چاندنی دانه‌وێڵه‌ی غروورن
بورهان ئه‌حمه‌د
