رێژنه …. مارف عومهر گوڵ
تهمهن پشكۆیهكی ئاڵهو
زهمین كوانوویهكی پڕ خۆڵهمێش
قهقنهسێكی لانهوازم
چاوم بۆته پهڵه ههوری
پڕ گریانی جیهانی ئێش !
* * *
لهبوونمهوه ،
ههنگاو ههنگاو زوو كهوتمه رێ
بهرهو دونیای دارستانی ههمیشه بههاری تهمهن
پایز گهڵام دهكرده كراسی بهرم
لق و پۆپی داوهریوی بهر رهشهبام
بۆ شهوانی باوبۆرانی نههامهتی ی كۆكردهوه
بهسهر شهختهی زستانا من ،
دهستم بهچڵی بڕواوه دهگرت.
پهڕیمهوه ،
بهسهر ترسی كهندهڵانی داته پیوی رێگهوبانا ، پهڕیمهوه
بهسهر چهمی خوڕی دامێن چیای سهختی بهفرستانا ، پهڕیمهوه
بهبێ چهتر لهبهر تهرزهی لهناكاوی ئێوارانا ،
تهكان تهكان بهرێوه بووم
بۆ تۆزێ خهو ، لهبهر كزهی كشاوی سهر شهختهبهندا
وچان وچان به پێوه بووم !
له ناخمدا ، تێرو تهسهل .. بهههشتێكی بهرین بوو دڵ
له ناخمدا ، زهحمهت كارێكی ئاسان بوو.
كه دهمڕوانی ، دهورو بهرم بهمروهت و چاكه خوازبوون
مهینهت بهرچاوی نهگرتم ،
ئومێد چرایهكی گهش بوو بهدهستمهوه !
aدهستی رق و كینه و شهڕهات !!
به نێوانی دڵی گهشی ههردوكماندا دزهی كردو ،
هێشتا یهكهم ساڵهی جهژنی له دایك بوونی رێژنه بوو
ئهتمۆسفێری خهمیش تهمی بهبنمیچی ،
ماڵی رووت و ههژارمدا راكێشابوو ..
جارێكی تر من مۆمێكم دانهگیرسان له جهژنی له دایكبووندا ،
ئیتر رێژنهی خۆشهویستی ی به كهلێنی ناكۆكیدا كهوته خوارێ ،
كهوته خوارێ و به داوێنی ژیانهوه گیرسایهوه
ئیتر دڵم بهسهر جهستهی گڕ گرتوومدا بۆ ههمیشه گریایهوه !
