Skip to Content

Friday, March 29th, 2024
بازنه‌ی ئیسلامی سیاسی بچوكه‌ شوێنی هه‌مووان نابێته‌وه‌

بازنه‌ی ئیسلامی سیاسی بچوكه‌ شوێنی هه‌مووان نابێته‌وه‌

Closed
by February 25, 2012 گشتی

 

ئه‌گه‌رچی ئاین وسیاسه‌ت مێژوه‌كه‌یان ده‌گه‌ڕێته‌وه‌ بۆ سه‌رده‌م و ده‌ست پێكی ئاینی كریستیان ، هه‌ردوو چه‌مك وه‌ك دوڕێگه‌ی جیاواز ڕه‌فتاریان كردوه‌ و له‌ مێژووی كریستیان باسی لێوه‌ كراوه‌ ، گه‌ڕاونه‌ته‌وه‌ بۆ كتێبی پیرۆزی خۆیان كه‌ ( ئینجیله‌) تێیدا به‌یان كراوه‌ ئه‌وه‌ی بۆ قه‌یسه‌ره‌ مافی خۆیه‌تی ، ئه‌وه‌شی بۆ خودایه‌ ئه‌و كارانه‌یه‌ كه‌په‌یوه‌ندی به‌په‌روه‌ردگاره‌وه‌ هه‌یه‌ كارگه‌لێكی پیرۆزن له‌كه‌نیسه‌ په‌یڕه‌وی ده‌كرێت ، ئه‌وی تریش په‌یوه‌ندی به‌ سیاسه‌ته‌وه‌هه‌یه‌ ، بێگومان له‌ده‌سه‌ڵاتی ده‌وڵه‌تدارێتی ده‌توانرێت سیاسه‌ت و ئاین تێكه‌ڵ به‌یه‌كتری بكرێن و لێكیشیان جودا بكرێته‌وه‌ ، به‌ڵام گرفته‌كه‌مان له‌وه‌دایه‌ ئه‌بێت لایه‌ك بۆ ئه‌وی تریان مل كه‌چ بكرێ ، واته‌ یه‌كێك له‌و داونه‌ هه‌ڵبژێرین یان سیاسه‌ت له‌پێناوی ئایندا یان ئاین له‌پێناوی سیاسه‌تدا ، هه‌روه‌ك ئه‌مڕۆ ده‌بینرێت ئاین  مل كه‌چی سیاسه‌ت ده‌كرێت ، هه‌ردوو چه‌مك كراونه‌ته‌ دژی یه‌كتری ، ئه‌گه‌ر لێكیان جیا كه‌ینه‌وه‌ ڕزگاریان بێت له‌وكه‌له‌بچه‌كراویه‌ خه‌ڵكی موسوڵمانی نێو حیزب و مزگه‌وته‌كان ئاسوده‌ ده‌بن ، ئه‌وكاته‌ی سه‌ربه‌خۆ بون هه‌دووكیان سنوری خۆیان ده‌زانن به‌پێی رێنمایه‌كانیان كار ده‌گوزه‌رێنن ، هیچیان له‌وه‌به‌دواوه‌ تێكه‌ڵ به‌وی تریان نابێت گیراوه‌كه‌ هه‌ڵده‌وه‌شێته‌وه‌ ، له‌م ساته‌دا ئیسلام بایه‌خی پێ ئه‌درێت دراو ماڵی دنیا له‌پێناوی ئایندا ده‌بێت ، ملكه‌چی و ته‌قوا له‌نێوان په‌روه‌ردگارو به‌نده‌كاندایه‌ بانگوسه‌ڵای ناوێت بۆ ئیسلام بوون و خێرخوازی ، له‌ئاینه‌ ئاسمانیه‌كاندا ئیماندار كه‌سێكه‌ له‌دڵه‌وه‌ عیباده‌ت ده‌كات نه‌ك وه‌ك دیپلۆماتكاره‌ ئیسلامیه‌كان ( ئاژیتاسیۆنانه‌، قسه‌ی باق و بریق)هه‌ڵ ئه‌ڵێن گوایه‌ قورئان وای فه‌رمووه‌ ئه‌وان جێبه‌جێ كاری ڕاسته‌قینه‌ن ، نه‌خێر په‌یامه‌كانی په‌روه‌ردگار ڕاستین وكاری نهێنی تێدا به‌دی ده‌كرێت ، ئه‌وی به‌په‌نهانی خوای خۆش ده‌وێت زیاتر له‌به‌ر قاپی ڕه‌حمه‌تدا نزیكترینه‌، كاتێ نوێژ گه‌ڕایه‌وه‌ ناومزگه‌ته‌كان موسوڵمانان یه‌كگرتوو ده‌بن براو دۆستی خۆیانن ، به‌پێچه‌وانه‌وه‌ هه‌تا نوێژ و عیباده‌ت له‌ باره‌گای حیزبیدا بێت دوژمنی زیاتر و ناكۆكی نێوان برایانی ئاینی زیاتر ده‌كات ، زاڵ بون و په‌رتكردن ئاسان ده‌بێت ئه‌توانرێ هه‌ندێ حه‌رام حه‌لاڵ كرێت هه‌ندێ حه‌ڵاڵیش ده‌كرێته‌ بڤه‌ ، هه‌روه‌ك چۆن تیرۆركردن و كۆمه‌ڵ كوژی كارگه‌لێكی ڕه‌وایه‌ پێی ده‌وترێت جیهاد ، چۆن ئێسته‌ له‌كوردستان هه‌ندێ كه‌سانی  ئیسلامی سیاسی به‌جۆرێك بیرده‌كه‌نه‌وه‌ ئه‌وی تریانی لاپه‌سه‌ندنیه‌ زیاترحیزبه‌كانیان پتك و لاواز ده‌بێ ، بیروڕا ئیستراد كراوه‌كان جێگه‌ی خۆیان كردوه‌ته‌وه‌ لایه‌ك شه‌رقی بیرده‌كاته‌وه‌ ئه‌وی تریش غه‌ربی ، به‌ڵام ئیسلامی ڕاسته‌قینه‌ وه‌ك خۆی ده‌مێنێ  نه‌شه‌رقیه‌ نه‌غه‌ربی ته‌نها مینبه‌ری مامۆستا ، په‌یڕه‌وانی حقیقه‌ت زیاتر ده‌گه‌نه‌ دیداری یه‌زدان بێ ڕودانی ململانێ كردن ژیان و ئاین ڕێك ده‌خه‌ن  بۆ خواده‌ژین نه‌ك بۆ دونیا، ئاینی ئیسلام یه‌كێكه‌ له‌گه‌وره‌ترین ئاینه‌ پیرۆزه‌كانی جیهان ، توانیویه‌تی پشودان و دڵنیایی ببه‌خشی به‌سه‌دان ملیۆن مرۆڤی سه‌رگۆی زه‌وی ، مانای ژیان و مردنی خستوه‌ته‌ به‌رده‌میان هه‌ردوو ڕێگاكه‌شی بۆ ڕونكردونه‌ته‌وه‌ ، سه‌رجه‌م گه‌لانی له‌ئه‌نتی جیاواز فێركردوه‌ كه‌وه‌ك برا ژیان پێكه‌وه‌ به‌ڕێكه‌ن ، ئه‌و ئاینه‌ پیرۆزه‌ توانیویه‌تی لێبورده‌ی وپێكه‌وه‌ ژیان له‌نێوان دیانه‌ت و نه‌ته‌وه‌ جیاوازه‌كان دابین كات ، كه‌س مافی كه‌س نه‌خوات هه‌موو تاكێكیش مافی خۆی پێبدرێت ، سنوری ئاین و سیاسه‌ت ده‌پارێزێت ژیان بۆ ئیلاهی جه‌سته‌ به‌بێ ترس و تۆقین بۆ گۆڕ ڕۆحه‌ بێ گوناهو په‌پوله‌یه‌كان بۆ ئاسمانی شین ، ئاین كاتێ تێكه‌ڵ به‌سیاسه‌ت كرا هه‌زاران ماڵی كریستیان له‌ باشوری ووڵات به‌ره‌و باكوری ڕه‌دوونران وه‌ك بینیمان له‌پارێزگاكانی ده‌ره‌وه‌ی هه‌رێم چی ڕویدا ده‌یانی تریش تیرۆركرا ، ئه‌گه‌ر ئه‌وه‌ كاره‌سات بێت بۆچی دینی موحه‌مه‌د (د..خ) به‌خاوێنی ڕاناگرن تێكه‌ڵ به‌سیاسه‌تی ده‌كه‌ن ، بۆ په‌یامبه‌ر ژیان و ماڵ و موڵكی جوله‌كه‌و مه‌سیحی و ئه‌وانی تری پاراست ، زۆرێك له‌بیرو ڕای جیاوازی تێهه‌ڵكێش ده‌كه‌ن فیكری عه‌ره‌بی شۆفێنی و عه‌ره‌بی ووڵاتانی تری بۆ ده‌كڕن ، گوایه‌ له‌كوردستان زانای ئاینیمانیه‌ له‌هه‌مان كاتدا وه‌ك دیپلۆماتكاره‌كان ده‌فه‌رموون باپیره‌گه‌وره‌مان حه‌زه‌تی ئیبراهیم پێغه‌مبه‌ره‌(د..خ) كه‌واته‌ ئێمه‌ له‌ پێشترو زاناترین ، كاتێك ئاین تێكه‌ڵ به‌ئایدۆلۆژیای جیاواز ده‌كرێت به‌هاجوانه‌كانی كه‌له‌بنه‌ڕه‌تدا ده‌بنه‌ ئامانج بۆ مرۆڤایه‌تی و پێكه‌وه‌ ژیان و یه‌كتر قبوڵكردن و دادپه‌روه‌ری و لێبورده‌یی ده‌كرێنه‌ هۆكار له‌لایه‌ن حیزبه‌ وه‌ ، به‌هه‌ردوو ڕه‌وتی جیاواز به‌كار ده‌هێنرێن بۆ به‌دی هێنانی ئامانجی دیكه‌ ، لێره‌دایه‌ ئیمانداران و ئیسلام ده‌كرێنه‌ قادرمه‌ بۆ سه‌ركه‌تن بۆ به‌دیهێنانی خواسه‌ته‌كانیان كه‌ده‌سه‌ڵاتی سیاسیه‌ بۆ ڕوخاندنی ده‌وڵه‌تی مه‌ده‌نیه‌ت و دامه‌زراندنی حكومه‌ت و شورای ئیسلامی سیاسی ، ئه‌وكاته‌ پیرۆزیه‌كانی ئاین ده‌گۆڕێت بۆ جوانی حیزبه‌كان دواتر بۆ هێنانه‌كایه‌ی ئه‌و حكومه‌ت و ده‌سه‌ڵاته‌ی كه‌ئیسلامی سیاسیه‌كان پێویستیانه‌ ، له‌م ساته‌دا واده‌كه‌ن له‌موسوڵمانان كه‌ هه‌رچی بكه‌ن بۆ په‌روه‌ردگاره‌ حكومه‌تیش ئیراده‌كه‌ په‌یڕه‌و ده‌كات ، ڕێگه‌ش ناده‌ن هیچ ئایدۆلۆژیایه‌كی تر بێته‌ ناوخۆیانه‌وه‌ نه‌فرین له‌هه‌موو لایه‌ك ده‌كه‌ن ، كلیلی به‌هه‌شت و دۆزه‌خیش دابه‌ش ده‌كرێت  به‌ندیخانه‌ی ئه‌قڵ ده‌ست پێده‌كات ، گێلاندنێك ده‌گه‌یه‌نن كه‌هه‌رچی كارگه‌لێك یان فكرێكی جوانیش هه‌بێت له‌ده‌ره‌وه‌ی بازنه‌ی ده‌سه‌ڵاتیانه‌وه‌ هه‌رهه‌مووی به‌كوفروئیلحاد داده‌نرێت ، ته‌نها خۆیان به‌سه‌رچاوه‌ی هه‌موو ڕاستیه‌كان ده‌زانن هه‌رفه‌رمان و ڕێنمایه‌ك بۆ ژیان له‌خارجی ئه‌قڵیانه‌وه‌ بێت گه‌رسودیشی هه‌بێت سفر ده‌كرێته‌وه‌ ، به‌خراپه‌كاری  تاوان ده‌زانرێت به‌و شێوه‌یه‌ ئه‌قڵه‌كان ده‌گه‌وجێنن ، جوانی ئیسلام ده‌كرێته‌ گۆڕستانی ئیمانداران له‌و ده‌سه‌ڵاتانه‌دا قورس ترین ئه‌ركی ئاینی و دابڕان دێننه‌ پێشه‌وه‌ ، له‌دوای ئه‌و فێرگانه‌ توندو تیژی له‌مێشكی هه‌ندێ تاكی گه‌وجدا دروست ده‌بێت ، گۆڕه‌پانێك بۆ كوشتارگه‌ ئاوه‌دان ده‌كرێته‌وه‌ كه‌ملی میله‌تێكی تێدا ده‌قرتێ ، ته‌نها كه‌سه‌سیاسیه‌كان سه‌لامه‌ت ده‌بن وه‌ك هه‌ڵهاتن له‌ نه‌رویج و پاكستان و ئه‌فغانستان نیشتنه‌وه‌ له‌دووره‌وه‌ به‌ردی گه‌وره‌تر ده‌هاوێژن ، ئه‌وی ده‌كرێته‌ سوته‌مه‌نی لاوه‌كانه‌ كه‌خوێنیان گه‌رمه‌ له‌م حاڵه‌ته‌دا دژایه‌تی كردن ده‌ست پێده‌كات ، پشودان له‌ڕۆح وجه‌سته‌ی ئه‌و به‌ندانه‌دا نامێنێت ئه‌وه‌ش پێی ده‌وترێت جیهاد ، كه‌ته‌نها سه‌ری خۆیان سه‌رفرازده‌بێ له‌دوای پشویه‌ك له‌خوێن مژین و هه‌ڵ خه‌ڵه‌تاندن دیسان هه‌وڵی گه‌ڕانه‌وه‌ ئه‌ده‌ن ، موسوڵمانی كورد بۆ ده‌بێت بچێته‌ ژێرسایه‌ی ئه‌و داگیركاریه‌وه‌ كه‌سه‌رجه‌م ئه‌ندامانی داموده‌زگا حكومی و ناحكومیه‌كان خه‌ڵكی موسوڵمان و ئیماندارن ، بۆ جیاوازی له‌نێوان نوێژو ڕۆژو فه‌رزه‌كانی تری ئیسلامدا هه‌یه‌ یان ته‌نها فریودانی خه‌ڵكه‌ بۆ به‌رژه‌وه‌ندیه‌كانی ئیسلامی سیاسی ، كه‌ی هه‌وڵدراوه‌ هێرش بكرێته‌ سه‌ر مزگه‌وت و خانه‌قاو قوتابخانه‌ ئاینیه‌كان ، تائاستێك چه‌ندین گۆڕی خوالێخوش بوان و زانایان و فه‌یله‌سوفیه‌ ڕۆحیه‌كان ده‌رده‌هێنرێت وازیان پێ بكرێت ، به‌سه‌ر هه‌ڵدانی ئیسلامی سیاسی گۆڕه‌پانه‌كه‌یان لێوان لێو كرد له‌مل ملانێ و گۆڕینی ئاراسته‌ی موسوڵمانان ، ته‌نانه‌ت ماڵی دنیاو بیری ڕامیاری هه‌ندێ له‌و حیزبانه‌ وای كردوه‌ كه‌به‌ش به‌ش بكرێن وه‌ك په‌یامبه‌رمان باسی لێ كردوه‌ كه‌ ده‌ بنه‌ 70گروپ  ، ئه‌وان یه‌كتریان قبوڵ نیه‌ پێچه‌وانه‌ی ئاینی موحه‌مه‌د ( د..خ) كه‌ برایه‌تی و دادپه‌روه‌ری خسته‌ نێوان دینه‌كانی تری غه‌یره‌ ئیسلام وه‌ك مه‌سیحی و جوله‌كه‌ هتد … ، په‌یڕه‌وپرۆگرامی مێژووی هه‌زار ساڵه‌ی ئه‌م نه‌ته‌وه‌یه‌ په‌یامه‌ به‌نرخه‌كانی قورئانی پیرۆز بوو ، ئێسته‌ چ زیاده‌یه‌ك بۆ قورئان و فه‌رموده‌كان زیاد كراوه‌ ، خێره‌ به‌چه‌ندین جۆر ململانێ بۆ تاكی كوردی موسوڵمان داڕێژراوه‌ گوایه‌ له‌گه‌ڵ دیانه‌ته‌كانی تردا یه‌كتریان قبوڵ نیه‌ ، ئه‌وكاره‌ قێزه‌ونه‌ ڕۆڵه‌ی ئه‌م میلله‌ته‌ له‌ خۆشه‌ویستی نه‌ته‌وه‌كه‌ی و مێژووی گه‌له‌كه‌ی داده‌بڕێت ، گه‌لی كورد ئاینی هه‌زار ساڵه‌ی خۆی به‌رز ڕاگرتووه‌ به‌بێ هاوكاری هیچ حیزبێكی ئیسلامی ، پێكه‌وه‌ ژیانیش به‌رده‌وام بووه‌ چه‌ندین شۆڕشی ئازادیخوازی و ڕاپه‌ڕین ڕویداوه‌ له‌مێژوی نه‌ته‌وه‌ی كوردا  ، كاتێ ئاین ڕه‌حمه‌ت بوو بۆ مرۆڤایه‌تی كه‌ته‌نها مه‌لا ئاینیه‌كان له‌        له‌خانه‌قاو مزگه‌وته‌كانه‌وه‌ په‌یام و پیرۆزی ئاینیان ده‌گه‌یاند ، به‌هێنانی ته‌وژمی توندڕه‌وی عه‌ره‌بی شۆفێنی گۆڕه‌پانێكی گه‌وره‌ و سوتێنه‌ر بنیات نرا بۆ ماڵكاول كردنی تاكی كوردی به‌تایبه‌تی عێراق كه‌نیشتمانی هاوبه‌شمانه‌ ، ئه‌گه‌ر خزمه‌ته‌ وڕێگه‌چاره‌یه‌ باخۆیان بیكه‌ن نه‌ك له‌ڕێگه‌ی خوا گوایه‌ به‌زه‌یان پێماندا دێته‌وه‌ ماڵوێران و كوڕ كوژاومان ده‌كه‌ن ، وه‌ك ئه‌م ساته‌ خه‌ریكین یه‌كترمان پێ قبوڵ نه‌كرێت ، ئه‌ولادان و گواستنه‌وه‌ی بیره‌توند ڕه‌ویانه‌ كاریگه‌ری خراپی ده‌بێت ئیسلام و كورد له‌به‌ین ده‌بات ، هه‌موو ئامانجه‌كان ده‌ستی ده‌ره‌كین پیلان گێڕیه‌ بۆ له‌نابردنی هه‌مووان و لاواز كردنی حكومه‌ت و ڕۆحی نه‌ته‌وه‌یمان ، ئه‌گه‌ر حیزبێكی تری میانڕه‌وی ئیسلامیش هه‌بێت به‌ناچاری هه‌مان توێشوی پێََ هه‌ڵده‌گرن  ، كه‌واته‌ ڕێچكه‌ پیرۆزه‌كه‌ی ئیمانداران دیاره‌و هه‌رگیز له‌به‌ین ناچێت ئه‌ویش مزگه‌وت و خانه‌قاكانه‌ ، كه‌یه‌كه‌م مه‌لاو زانای ئیسلام له‌وێوه‌ له‌دایك بوه‌ ئه‌بێ له‌ویش َ كۆچ كات له‌وێش ئه‌سپه‌رده‌ بكرێن ، وه‌ك ناوداره‌كان شێخه‌كانی بیاره‌ و توێڵه‌ و بارزان و تاڵه‌بان به‌شه‌كانی تری كوردستان تا ده‌گاته‌ به‌غدای پایته‌خت ، له‌بیرمانه‌ زۆری دیپلۆماتكارانی ئیسلام نه‌وه‌ی ناوخانه‌قا و كوڕه‌مه‌لاكانی كوردستانن ، ئیتر به‌س نیه‌ بۆتاكی كوردی مه‌زڵوم كه‌خاوه‌ن دین ئیسلام و قورئانه‌ خزمه‌ت به‌بیرێكی شوفێنی بكات ، كه‌چه‌ندین سه‌ده‌یه‌ چه‌وساوه‌ی ئه‌وانن ،  له‌كۆتایدا ئه‌ركی سه‌رشانی ئاین په‌روه‌ران و سه‌ركرده‌ ئیسلامیه‌كانه‌ خاوێنی ئاینی ئیسلام بپارێزن له‌سیاسه‌تی جودا بكه‌نه‌وه‌ ، له‌سایه‌ی هه‌وڵ و ماندوبونیانه‌وه‌ دانیشتوانه‌كه‌ی هه‌رێم گوێ بیستی زانیاریه‌ به‌سوده‌كانیان بن ، له‌ڕێگه‌ی خۆشه‌ویستی خوداوه‌ برایه‌تیمانه‌وه‌ كلیلی به‌هه‌شت بۆ تاكی كوردی موسوڵمان به‌رهه‌م بهێنرێت .      

                              
سه‌ید عه‌تا

Previous
Next
This site is registered on wpml.org as a development site.