Skip to Content

Sunday, April 21st, 2024
گۆرانييه‌کی کوشنده‌..

گۆرانييه‌کی کوشنده‌..

Closed
by March 14, 2012 هۆنراوە

به‌ نيازم جگه‌ره‌ ته‌رککه‌م
له‌ بری دووکه‌ڵ
رۆژه‌کانم
پڕکه‌م له‌ زيکه‌ زيکی جووتێک که‌روێشک
***
بیر له‌وه‌ ده‌که‌مه‌وه‌
رۆژێک ته‌نهاييم بده‌مه‌ به‌ر ده‌سڕێژی
چه‌قۆ و
خۆم ته‌سليمی نزيکترين بنکه‌ی رۆشنایی بکه‌م
***
له‌ هه‌موو شتێک ده‌ترسم
ته‌نانه‌ت تۆش
تۆش که‌ ساڵانیکی زۆره‌
وه‌ک کڵاوی با بردوو دواتکه‌وتووم.
***
ره‌سمی گولله‌یه‌ک ده‌کێشم و
ده‌ینێم به‌ دڵی خۆمه‌وه‌
با ترسم له‌ ژيان بشکێ
***
بير له‌ کوشتنی دنيا ده‌که‌مه‌وه‌
به که‌روێشکه‌کانيشمه‌وه‌
***
با با نه‌مبا
توند ، توند په‌يوه‌ستمکه‌ به‌ چڵی ئومێدێکه‌وه‌
***
مێرووله‌یه‌ک ده‌ناسم
زراوی له‌ پێڵاو چووه‌
***
هه‌ميشه‌ دۆڕاوه ژيان‌
مردن هه‌ميشه‌ له‌ دوا چرکه‌دا
گۆل تۆمار ده‌کات
***
چه‌ند گۆرانييه‌کی کوشنده‌یت به‌سه‌ر لێوی ته‌مه‌نمه‌وه‌‌
ئه‌ی ته‌نهايی!!

***


سمکۆ ئه‌حمه‌د ره‌شيد

Previous
Next
This site is registered on wpml.org as a development site.