Skip to Content

Thursday, May 23rd, 2024
له‌ كۆكردنه‌وه‌م گه‌ڕێ… به‌ناز فاتح

له‌ كۆكردنه‌وه‌م گه‌ڕێ… به‌ناز فاتح

Closed
by May 23, 2012 هۆنراوە

 

سەدای دەنگێک ئامادەیە
ناخم بێدەنگتر دەکات
پرسیارەکان مات و مەلول
بە دیار شێتی ئەمجارەمەوە ڕاماون!!!
هەناسەی بزەیەکی حوزنبار
لە ناخی دڵمەوە هەڵدەکات ،
 هەموو بوونم لێوڕێژ دەکات
بۆ لە دایک بوونەوەی تەنهاییەکی دیکەی ئەم ڕۆحەم !

      ******
هه‌نووكه‌ به‌ هاوارێكه‌وه‌ سه‌رقاڵم …
ونبوونه‌ … گه‌ڕانه‌ …مه‌ستییه‌كه‌ له‌ گه‌ڕیده‌یی بوونێك ده‌گه‌ڕێ…

     *******

سه‌ربوورده‌ی خه‌مه‌كانی من
 فرمێسكێكه‌ خۆی ده‌ئاخنێته قووڵای ڕۆحی تۆ،
من وه‌ك ته‌نیایی ده‌مه‌كانی باران
 خۆم له‌ به‌رگی حوزنێك ئاڵاندووه‌
تا ده‌گه‌مه‌ په‌نهانییه‌كانی ئاسمان و دروه‌شانه‌وه‌ی ئه‌ستیره‌‌ ته‌نهاكانی شه‌وێكی سپی سپی ،
 له‌ نێو دره‌وشانه‌وه‌ی ئه‌ستێره‌كاندا بۆت ده‌گه‌ڕێم….

       ************
 لە نێو کۆنووسی هزرمدا
 یادەکانم خۆیان دەخوێننەوە،خۆیان دەنووسنەوە ،خۆیان
لە ژێر تەڕایی بارانێکدا ڕەها دەکەن..
من لێرە و ئەوان لە کونجی ئەستێرەکاندا ماڵێک لە خەون باڵا دەکەن..

         *******
له‌ كۆكردنه‌وه‌م گه‌ڕێ ….
 له‌ پشتی دێره‌كانه‌وه‌ سه‌رقاڵی ونبوونی من مه‌به‌
ئه‌مێستاكه‌،
 یاڵێك له‌ شه‌و ،
 به‌ دره‌وشانه‌وه‌ی ئه‌ستێره‌یه‌ك
بست به‌ بستی قووڵایی ڕۆحم ته‌ی ده‌كات و له‌گه‌ڵ تیشكه‌كانیدا ڕاده‌ستی ئاسمانێكی باراناوییم ده‌كات

       *******

Previous
Next
This site is registered on wpml.org as a development site.