Skip to Content

Saturday, May 25th, 2024
دیرۆك …ستار ئەحمەد

دیرۆك …ستار ئەحمەد

Closed
by June 17, 2012 هۆنراوە

 

به‌شنه‌ گوڵ بوویت و
له‌گه‌ڵ با ده‌جه‌نگای
كاتێك بارێزه‌ هه‌ژانتی
بوویته‌ ئێسكی چڵێكی رووته‌ڵه‌
نه‌قومێك شه‌ونمی به‌یانیان
وه‌ك نه‌وبووك گه‌ردنی جوانكردی
نه‌بایه‌ك به‌سه‌ما…
بۆرۆخی رووباری حه‌سره‌تی بردی
ئه‌مێستا دارێكی..
تینوو بۆباخی ره‌نگاوڕه‌نگ
شه‌وانه‌ ده‌هه‌ژێی …
له‌ده‌نگی راوكه‌رو
دیرۆكی زه‌برو زه‌نگ
رووخانی چه‌ند هه‌وار
چاوانتی داڕووشان
كام كۆچبار…؟
له‌ناختا ره‌نگیدایه‌وه‌
ئه‌وه‌تا وه‌ك كوانووی بێمیوان
پشكۆیه‌ك تینێكت ناداتێ‌
به‌هارێك له‌عومرت ناپرسێ‌
وه‌ڕسبووی له‌ده‌ستی جوودایی
خه‌می نیشتمان به‌زانتی
بۆیه‌ كزو مات
ده‌گری به‌سه‌ر ره‌گ و چیمه‌نا
نه‌خاك ده‌توانێ‌…
چرایه‌ك بۆ قه‌دی سووتاوت هه‌ڵكا
نه‌بارانێك به‌ئامان
بۆ زامی هه‌ناوت دائه‌كا
ئه‌م كسپه‌ی مردنه‌
هه‌تاكه‌ی به‌باڵای چیادا ده‌كێشێ‌
تۆش عه‌وداڵ
له‌به‌ژنی ره‌زو گوڵاڵه‌ ده‌ڕوانی
كێو نه‌بێ‌ ببێته‌ سێبه‌ری كه‌مه‌رت
چڵ نه‌بێ‌ گوڵێ‌ ئاڵ هه‌ڵگرێ‌
به‌هاران بیكاته‌ هاوڕازی سه‌رت
ناتوانی به‌م شێوه‌ ..
لاپه‌ڕه‌ی ئه‌دگارو
به‌رواری پیرۆزان هه‌ڵگری
به‌ده‌م خه‌زانی خۆزگه‌وه‌
بۆنیگای دڵۆپێك باران و
مشتێ‌ خۆڵی ته‌ڕ ده‌مری

Previous
Next
This site is registered on wpml.org as a development site.