Skip to Content

Friday, March 29th, 2024
من ھەر دەڕۆم

من ھەر دەڕۆم

Closed
by August 3, 2012 ئەدەب

 

دەڕۆمە دوورگەیەك

جێیەك کە خۆر هەردەم درەخشانە و

مانگ لەسەر پشتی دەریا سوارە

کاتێك دەڕۆم، ئەو زنجیرانەی لە ڕۆیشتن دەمگێڕنەوە

فڕێدەدەم

کاتی ئەوە هاتووە، گیانم ئازاد بکەم

بەڵێ … دەڕۆم

 

لەوێ لەتەنیشت جۆگەیەکی کوێستانی

خانوویەکی بەردین چێدەکەم و

بە داری سەر و کاج و سنەوبەر دەیڕازێنمەوە

باخێك چێدەکەم و

کێڵگەیەك لە گەنمەشانمی و

خاکی دایکە زەمین لە دەستانما دەگوشم

 

ئەرێ … دەڕۆم

بەڵێ دەڕۆم

تەنیا بۆ ئەوەی ببمەوە بەشێك لە سروشت

بەڵێ دەمەوێ جارێکی تر بەشێك بم لە سروشت

 

ئەوسا مناڵانم فێری ئەوین دەکەم

لەبەرئەوەی ئەرکی هەموو باوکێکە

چونکە هەموومان بەشێك لە بوونەوەرانی زیندووین و

بە واژە نیوە لەبیرکراوەکان قسان دەکەم

وەك ئەوین و شادی و چاکە

چونکە جیهان تەنیا بە سروودی ئەوین زیندووە

 

ئەرێ دەڕۆم

دەڕۆم و

ئەوانەش دەبنە بەشێك لە سروشت و

بەشبوون لە سروشت بە تەواوی بوونمەوە هەست پێدەکەم

دووبارە  کاتی،

بوونەوەبەش لە سروشت هاتووە

ئەرێ دەڕۆم، ڕۆژێك لە ڕۆژان ھەر دەڕۆم (ڕۆژێك هەر دەڕۆم…)



گۆڕانی CHRIS DE BURGH

و. لە ئینگلیزییەوە : ھەژێن

 

سەرچاوە : I will lyrics

 http://www.lyricsforsong.net/artist/chris-de-burgh-lyrics_kkmk.html

Previous
Next
This site is registered on wpml.org as a development site.