کۆنگرەی ووڵاتانی بیلایەن و خەونە وەنەوشەیی یەکانی جمهوری ئیسلامی…!
وا بریارە شازدەهەمین کۆنگرەی لوتکەی جوڵانەوەی بیلایەن،یان ووڵاتانی بیلایەن، لە رۆژەکانی ٣٠-٣١ ئەم مانگە لە تارانی پایتەختی ئیران بەسەر پەرشتی ئەحمەدی نەژادی سەرۆک کۆماری ئیسلامی ئیران ببەستری.
لەم بارەیەوە ماوەی چەند هەفتەو مانگە سەرانی ئەم رژیمە سەرکوتگەرو درندەیە تەواوی دامودەزگا سەرکوتگەرەکانیان خستۆنە ئامادەباشی یەوە تا بە خەیاڵی خۆیان ئەم کۆنگرەیە بە شیوەیەکی ئاسایی و ئاسایش ببریت بەریوە.وە لەهەمان کاتدا تا هیزی خۆیان نیشانی خەڵکی سەرکوتکراوی ئیران و سەرجەم نەیارەکانیان و ووڵاتانی جهان بدەن کە جمهوری ئیسلامی سەرەرای دوژمنە ناوەکی و دەرەکی یەکانیان بەڵام لە هەمو هیزو توانایەکی سیاسی و ئابوری و سەربازی بەهرەمەندن.
هەلبەت لەم کۆنگرەیەدا جگە لەنوینەرانی ١١٨ وووڵاتی ئەندام بەشداری دەکەن هاوکات نوینەری ١٨ ووڵات و دە ریکخراوی نیودەولەتیش لەسەرو هەمویانەوە ریکخراوی نەتەوەیەکگرتوەکان بە سەرۆکایەتی بان کیمۆن بەشداری دەکەن.
بەستنی ئەم کۆنگرەیە لەم ساتو کاتەدا دەگەریتەوە بۆ ئەوەی کە لە دوای کۆنگرەی پانزە لە سالی ٢٠٠٩کە بە سەرپەرشتی حوسنی موبارەکی سەرۆکی لەسەر کار لادراو و زیندانی لە شەرم الشیخی میسر سازدرا سەرۆکایەتی کۆنگرە درا بە جمهوری ئیسلامی ئیران.
دیارە بەستنی ئەم کۆنگرەیە ،کە چەند ساڵە لە قەیرانیکی سیاسی بنەماییدا کات بەسەردەبات، و لەم کاتو ساتە پر لە قەیرانو ئالوگۆرو وەرچەرخانە سیاسی یە هەمەلایەنەو لە ئیرانی ژیر سایەی جمهوری ئیسلامی جیگەی سەرنجی هەمو لایەکە.
بەڵام لەگەڵ بونی هەمو بارودۆخەشدا سەرانی جمهوری ئیسلامی کۆمەڵی خەونی وەنەوشەیی لە سایەی ئەم کۆنگرەوە دەبینن.
بۆیە جیگەی خۆیەتی بە کورتی ئاماژەیەک هەم بە خودی پیکهاتەی ووڵاتانی بیلایەنو کۆنگرەکەیان لەم کاتەدا بدەین و هەمو جیگەو ریگەی جمهوری ئیسلامی لە بۆتەی بارودۆخی ناوخۆیی و ناوچەیی و نیودەولەتیدا کەمیک روون بکەینەوە.
هەڵبەت تا ئەو جیگەیەی دەگەریتەوە بە خودی پیکهاتەی ووڵاتانی بیلایەن یان جوڵانەوەی وولاتانی بیلایەن ئەوەیە کە ئەم پیکهاتە سیاسی یە هاوپەیمانی یە لە کۆتایی جەنگی جهانی دووەم لە ساڵانی ١٩٣٩-١٩٤٥ وە بە دیاری کراوی وەک یەکیک لە ئاکامەکانی دەسپیکردنی جەنگی ساردی نیوان دوو کەمپی رۆژئاوا بە سەرکردەیی ئەمریکاو وولاتانی ئەندام لە پەیمانی ناتۆ و کەمپی رۆژهەلاتی بەناو سوسیالیست و ئەندام لە پەیمانی وارشۆ بەسەرکردەیی یەکیتی سۆڤیەتی پیشو پیکهات. لەو سەروبەندەدا کە کۆمەلی سەرکردەی رژیمی تازە بە دەسەلات گەیشتوی بۆرژوا ناسیونالیست لە چەشنی جەواهیر لالۆنەهرۆ لە هیندو جەمال عەبدولناسری میسرو تیتۆی سەرۆکی یوگسلاڤیا دەسپیشکەری پیکهینانی ئەم ریکخراوەیەیان کرد .وە یەکەمین کۆبونەوەیان لە سالی ١٩٥٥ لە باندوج سازداو پاشان یەکەمین کۆنگرەشیان لە ١٩٦٢ لە بەلگرادی پایتەختی یوکسلاڤیا بەست و لە دە بەنددا ئامانجەکانی خۆیان راگەیاند کە هەمو مەبەستەکەیان لەنگەر گرتنی خودی ئەم وولاتانە بوو لە نیوان کیشەو ململانیی جەنگی ساردی نیوان ئەو دوو کەمپە زلهیزە.هەر بۆیە تا ئەو کاتەی کە ململانیی نیوان ئەو دوو کەمپە بەردەوام بوو بونی ئەم ریکخراوەیەش ئامرازیکی پیویست بو بۆ زۆربەی ئەو وولاتانەش هەر بۆیە پەیتا پەیتا هەر وولاتیک کە سەربەخۆیی لە دوای جەنگی جهانی دووەمەوە بەدەست دەهینا یەکسەرە دەبوە ئەندام تیایدا. دیارە ئەمەش بە مەبەستی مانەوەی دەسەلاتی ئەو رژیمانە کە بە شیوەیەکی گشتی کۆمەڵی دەسەلاتی بۆرژوا نسیونالیستی سەرکوتگەر بوون.
هەر بۆیەش هەر لە دوای کۆتایی هاتنی جەنگی سارد لە کۆتایی هەشتاکان و سەرەتایی نەوەتەکان ئیتر بوونی ئەم هاوپەیمانی یەش ،یانی وولاتانی بیلایەن کەوتە ژیر پرسیارەوە بە پلەیەک کە تەواوی کۆنگەرەکانیان و پەیوەندی و ئامانجەکانیشیان بەر رەشەبای ئالوگۆرەکان و هەرەسی نیوان ئەو دوو کەمپە کەوتن و لەو کاتەوە تا ئیستا هەر کۆنگرەیەکیش دەبەستن و هەر بریاریکیشی لیوە دەردەچی جگە لە مەرەکەبی سەر کاز زیاتر هیچی تر نی یە.تەنانەت پەیوەندی نیوان ئەندامانی ئەم هاوپەیمانی یەو پابەندی یان بە بنەماو ئامانجەکانی ریکخراو کۆنگرەکەیانەوە دەیان جار لاواز ترە لەو پەیوەندی یە کە لەگەل زلهیزەکانی ئەمرۆدا هەیانە.
بۆ نمونەو لەسەر و هەمویانەوە پەیوەدنی زۆربەی ئەندامانی وولاتانی بیلایەن لەگەل جمهوری ئیسلامی ئیران زۆر دوژمنکارانەو لەگەل دوژمنەکانی ئیران زۆر دۆستانەیە.وە هەر ئیستا زۆریک لە ئەندامانی ئەم ریکخراوەیە لەگەل دوژمنە سەرسەختەکانی ئیران لەهەوڵی رووخانی جمهوری ئیسلامیدان.بە تایبەتی ئەم کۆنگرەیە کە ئەمرۆ کە لەم بارودۆخە پر قەیرانە ئابوری و سیاسی یە هەمەلایەنە ناوجەیی و جهانی یەدا لە تاران دەبەستری لە هەمو کۆنگرەکانی تر دەرگیری قەیرانەو بوونی زیاتر چۆتە ژیر پرسیارەوە .تەنانەت چاوەریی ئەوەی لیدەکری کە تا بەستنی کۆنگرەی ئاییندە هەم خودی کۆنگرەو هەم خودی جمهوری ئیسلامیش بروخی.
خالیکی تر کە پەیوەستی راستەوخۆیی بە رژیمی ئیسلامی لە ئاستی ناوخۆیی و دەرەکی یەوە هەیە ئەوەیە کە ئەم رژیمە ئیستا کۆمەڵی خەونی وەنەوشەیی بەم گۆنگرەیەوە دەبینی ئەوەیە کە دەرگیری دەیان کیشەو قەیرانە.
تا یەو جیگەیەی دەشگەریتەوە بە وەزعی ناوخۆیی یەوە ئەوەیە کە رژیم لە قولترین قەیرانی ئابوری دا ژیان بەسەر دەبات کە جگە لەسەر کوتی جەماوەر ئەم رژیمە هیچ ئامرازیکی تری بەدەستەوە نی یە بۆ دەرباز بوون لیی.
باڵی دەسەلاتدار بەسەرۆکایەتی ئەحمەدی نەژادو بە رینوینی خامەنەیی تەنانەت سەرکوتیان کردۆتە بە ئامرازیک نەک هەر بۆ جەماوەری نارازیی خەڵک بەڵکو تاکە وەلامیانە بۆ پرسیارەکانی باڵی ریفۆرمیش بەسەرکایەتی موسەویی و کەروبی وبۆرژوا بەناو لیبرالەکان و ناسیونالیستەکانیش .هەر بۆیە ئەم رژیمە لە هیچ پۆتانسیلیکی ناوخۆیی بورژوازی بەهرەمەند نی یەو تەواوی بونی لەژیر پرسیاردایەو تەنها بە زەبری سەرکوتو کوشتو برو دیکتاتۆری رەها ماوەتەوە.
هەرچی وەزعی دەرەکی و پەیوەندی یە ناوچەیی و جهانی یەکانیتی بەهەمان رادە لە قەیرانی قولدایە لە هەمو روویەکی ئابوری و سیاسی و دیبلۆماسی یەوە .
لە ئاستی ناوچەکەدا لەگەڵ زۆربەی رژیمەکان لەوانە تورکیاو وولاتانی کەنداوو هاوسنورەکانی تری، جگە لە سوریا کەلەسەرو بەندی رووخاندایە لەگەل هەمویان لە کیشەو ململانی دایە.
لە ئاستی جهانیشدا پەیوەندی یەکانی لەگەڵ ئەمریکاو رۆژئاواو هاوتەریب نەبونەوەی لەگەڵ ستراتیژی یە ئابوری و سیاسی یەکانی ئەو وولاتانە و مەسەلەی هەوڵی بەدەسهینانی چەکی ناووکی و کۆمەک کردنی بە دەستەو تاقمە ئیسلامی یە تیرۆریستی یەکان ،لە حزبواللەی لوبنانی و باندە ئیسلامی یەکان لە عیراقەوە بگرە تا هاوکاری و بەرگریکردنی سەرسەختانەی لە رژیمی سوریا..هتد بۆتە هۆکاریکی زیاتر بۆ تەریک کەوتنەوەی و تەنانەت سەپاندنی ئابڵوقەی ئابوری لە لایەن ئەمریکاو یەکیتی ئەوروپاکە دیارە لەم نیوەدا تەنها جەماوەری ئیران زیانی زیاتری پی دەگات.
هەر بۆیە لە هەر گۆشەیەکەوە سەرنجی ئەم کۆنگرەیەو هەوڵەکانی ئەم رژیمە بدریت کە ماوەیەکە دەیدات بۆ بەدەست هینانی پشتیوانی لە بەرامبەر نەیارە ناوخۆیی و دەرەکی یەکانی دەردەکەوی کە رژیم جگە لە بینینی کۆمەڵێ خەونی وەنەوشەیی زیاتر هیچی تر نی یە .وە لەگەڵ کۆتایی هاتنی کۆنگرەکەدا تەواوی ئەو خەونە وەنەوشەیی یە خۆشانەی هەموی دەبیتە مۆتەکە بەسەر سەری یەوە.
کۆتایی ئابی ٢٠١٢.
موزەفەر عەبدوڵا
mozafar_as@yaho.com
