Skip to Content

Thursday, March 28th, 2024
فێربوون له‌ ڕێگای سه‌ر جێگا

فێربوون له‌ ڕێگای سه‌ر جێگا

Closed
by September 2, 2012 زمان

 

 

 

زۆر ڕێگای تایبه‌ت به‌ زمان هه‌ن كه‌ مرۆڤ به‌ هۆیانه‌وه‌ فێری زمان –زمانی ئینگلیزی بۆ نموونه‌ – ببێت .زۆربه‌ی لاوی كوردی ئه‌مڕۆ ده‌یه‌وێ فێری زمانی ئینگلیزی  ببێ هه‌روه‌ها ئه‌و به‌رپرسه‌ به‌ هۆی شه‌رعیه‌تی شۆڕشگیری له‌ هه‌ره‌می ده‌سه‌ڵاتی كوردی پۆستێكی بۆ گیراوه‌ ئه‌ویش ده‌یه‌وێ فێری  زمانی ئینگلیزی ببێ , چونكه‌ گه‌نجێتی له‌ شاخ و له‌ نێو ته‌ڕاشان به‌ سه‌رچوو , ده‌یه‌وێ جارێكی تر له‌ كاروان دانه‌بڕێ , بۆیه‌ بۆ ئیسپاتی بوونی خۆی ده‌یه‌وێ فێری زمانه‌كه‌ ببێ و باوه‌ڕی وایه‌ ئه‌و كه‌لتور و زمانه‌ی دوێنێ به‌ موڵكی یان داهێنانی ئیمپریالیزم و كاپیتالیزمی داده‌نا , ئه‌مڕۆ به‌ میكانیزمی پێشكه‌وتنی داده‌نێ .توێژه‌ر باوه‌ڕی چۆن ئه‌وی دوێنێ دروست و ساخله‌م نه‌بوو , ئه‌وه‌ی ئه‌مڕۆش دروست نییه‌!!!ئه‌وه‌ی ئێمه‌ قسه‌ی له‌ سه‌ر ده‌كه‌ین زمانه‌ , نه‌وه‌ك سیاسه‌ت بۆیه‌ له‌ دوان ده‌رباره‌ی ئه‌م بابه‌ته‌ خۆ دوور ده‌گرین!

فێربوون خۆی پرۆسه‌یه‌كی دژواره‌ . وه‌ك زمانی یه‌كه‌م ئاسان نییه‌ , به‌لكو چه‌ند مرۆڤ بچێته‌ ته‌مه‌نه‌وه‌ گرانتر ده‌بێت .كه‌واته‌ هۆكاری ته‌مه‌ن مه‌سه‌له‌یه‌كه‌ ده‌بێت حسێبی بۆ بكرێت .چه‌ندان ڕێگای زمان و ده‌ره‌وه‌ی زمان هه‌ن بۆ فێربوونی زمانی دووه‌م .كۆنترین ڕێگا وه‌رگێرانی ڕێزمانی زمانی دووه‌مه‌ به‌ زمانی یه‌كه‌م , به‌ جۆرێك نه‌ته‌وه‌ هه‌یه‌ له‌ سه‌ده‌ی نۆزده‌هه‌مه‌وه‌ خووی به‌و ڕێگا كۆنه‌ گرتووه‌ !ئێمه‌ له‌م نووسینه‌ باسی ڕێگاكان ناكه‌ین , به‌لكو ته‌نیا ڕێگایه‌ك باس ده‌كه‌ین .

ڕێگای فێربوون له‌ ڕێگای سه‌ر جێوه‌ .ئه‌م جۆره‌ ڕێگایه‌ په‌یوه‌ندی به‌ سێكسه‌وه‌ هه‌یه‌ , بۆیه‌ له‌ كۆمه‌ڵه‌ی كوردی و ڕۆژهه‌ڵاتی زۆر قسه‌ی له‌ سه‌ر نه‌كراوه‌ .مه‌سه‌له‌كه‌ به‌ تابۆ دانراوه‌ , به‌ڵام خۆی له‌ خۆیدا وا نییه‌ .ئه‌و ڕێگایه‌ وه‌ك له‌ دوایی ده‌یبینین یه‌كێ له‌ ڕێگا به‌ به‌رهه‌م و به‌ به‌هرێنه‌ !

فێربوون به‌ سه‌ر جێییكردن , كه‌ به‌ عه‌ره‌بی پێی ده‌ڵێن لغه‌ الفراش , زیانیشی هه‌یه‌ بۆ زمانی یه‌كه‌م .ئه‌وه‌ش له‌ ده‌رهاویشته‌كان به‌ ده‌رده‌كه‌وێت .ئه‌و فێربوونه‌ له‌ كۆمه‌ڵگای زمانی دووه‌م هه‌یه‌ .بۆ نموونه‌ ئه‌گه‌ر كوڕه‌ كوردێك پرۆسه‌ی هاوسه‌رگیری له‌گه‌ڵ ژنێكی ئینگلیز كرد , ئه‌وا پرۆسه‌ی فێربوونی زمانی دووه‌م ,ئینگلیزی, بۆ كوڕه‌ كورده‌كه‌ ئاسان ده‌بێت , چونكه‌ په‌یوه‌ندی ژن و مێرد وا له‌ كه‌سی فێربوو –learner-  , كه‌ كوڕه‌ كورده‌كه‌یه‌, ده‌كات دانه‌ وشه‌ی –vocabulary- – زمانی دووه‌م دوور له‌ شه‌رم و ته‌ریقبوونه‌وه‌ فێر بببێت.ڕێگایه‌كه‌ له‌ هه‌ر ڕێگایه‌كی تر له‌ ڕووی ده‌روونیه‌وه‌ په‌سه‌ند تره‌ .له‌ ناوه‌ندی فێربوونه‌وه‌ زۆر به‌ربه‌ستی وه‌ك ته‌مه‌ن و شه‌رم و ته‌ریقبوونه‌وه‌ هه‌ن , به‌ڵام فێربوونی نێو هاوسه‌رگیری نییه‌ !

هاوسه‌گیری له‌گه‌ڵ ژنی بێگانه‌ی كۆمه‌ڵگایه‌كی بێگانه‌ له‌ ڕووی دین و كه‌لتوره‌وه‌ زیانی خۆی هه‌یه‌ .ئێمه‌ له‌ نووسینێكدا باسی ئه‌وه‌مان كردووه‌ , كه‌ دایه‌سپۆرای كوردی له‌گه‌ڵ هاوسه‌گیری ژنی بێگانه‌ هۆكارێك ده‌بێ بۆ كوشتنی زمانی كوردی! له‌و پرۆسه‌یه‌دا زمانی دایك ون ده‌بێت ؟؟ زمانی ” دایكی ” ئه‌و زارۆكه‌ی له‌و هاوسه‌رگیریه‌ په‌یدا ده‌بێت , كامه‌یه‌ :زمانی كوردیه‌ یان زمانی ئینگلیزیه‌؟! ئێمه‌ ده‌زانین زارۆك زمانی دایكی –ئینگلیزی – فێرده‌بێ و زمانی باوكی –كوردی- دره‌نگ فێرده‌بێ یان هه‌ر فێرنابێ!!

كه‌واته‌ به‌ كورتی چۆن فێربوونی نێو هاوسه‌رگیری بیانی سوودی هه‌یه‌ , زیانیشی بۆ كورد هه‌یه‌!

سلام ناوخۆش

 

Previous
Next
This site is registered on wpml.org as a development site.