Skip to Content

Thursday, July 25th, 2024
سوپای برسێتی

سوپای برسێتی

Closed
by October 11, 2012 ئەدەب

 

 

 

سوپای برسێتی

بەرەو پێش دەروات

بەرەو پێش دەروات تا تێر ببێت لە نان

تا تێر ببێت لە گۆشت

تا تێر ببێت لە کتێب

وە ئازادی!

تێدەپەڕێت لە پردی باریکتر لە موو

تیژتر لە شمشێر

بەرەو پێش دەروات، هەموو پێ نوقمی خوێن.

 

سوپای برسێتی

بەرەو پێش دەروات

هەنگاوەکان هەموو لە بروسکە

سروودەکان هەموو لە ئاگر

وە نیشانی ئاڵەکەیان، بە هێمای هیوا!

هیوای هیواکان

هێمای ئاڵاکەیان!

سوپای برسێتی بەرەو پێش دەروات

دەکێشێ بەسەر پشتەوە

شارەکان

بە کۆڵانی باریک و خانووی تەنگەوە.

 

دەکێشێ بەسەر پشتەوە

دوکەڵکێشی کارگەکان

وە ماندوویەتی بێ کۆتایی دوای کار.

 

سوپای برسێتی

بەرەو پێش دەروات

وە دەکێشی بەسەر پشتەوە لادێکان

بە خانووی وەک هێلانەی ورچ

وە کەسانێکی نیشتەجێ کە گیانیان سپاردووە

لە حەسرەتی بستێک زەوی

لەو زەوینە پان و بەرینە.

 

سوپای برسیەتی

بەرەو پێش دەروات

بەرەو پێش دەروات تا تێری بکات

برسیەکان لە نان،

بەرەو پێش دەروات تا تێری بکات

تینوەکان لە ئازادی.

سوپای برسیەتی

بەرەو پێش دەروات.

 

 

……ن: ناظم حیکمەت

…و: هێمن ئەمانی

Previous
Next
This site is registered on wpml.org as a development site.