Skip to Content

Saturday, March 2nd, 2024
ڕازی منداڵێك …. عه‌لی حه‌مه‌ره‌شید به‌رزنجی

ڕازی منداڵێك …. عه‌لی حه‌مه‌ره‌شید به‌رزنجی

Closed

 

 

 

 

من كیژێكی بچكۆلانه‌م

سوره‌ گوڵی ئه‌م ژیانه‌م

هه‌تا حه‌ز كه‌ی

ئێسك سوك و خنجیلانه‌م

وه‌كو هه‌موو

مندلانی ئه‌م دنیایه‌

خۆشه‌ویستیم له‌ دڵدایه‌

بۆ به‌هار و

تیشكی خۆر و

بابه‌ ودایه‌

بۆ په‌پووله‌و گوڵ و باران

بۆ هیوای ژین

بۆ هه‌ژاران

من هه‌وێنی زه‌رده‌خه‌نه‌م

كام دیمه‌ن لاتان قه‌شه‌نگ بوو

بۆنی خۆشی ئه‌و دیمه‌نه‌م

باوك و دایكم خۆشیان ده‌وێم

منیش هه‌ر ئه‌وان شك ده‌به‌م

بۆیه‌ به‌ چاو

به‌ گیان به‌ دڵ

یارمه‌تیان ده‌ده‌م هه‌رده‌م

ئه‌وان بۆمن چرای ژینن

هۆی خۆشیمن تواناو تینن

منیش بۆیان

هیوای به‌رزی

پاشه‌ڕۆژێكی مه‌زنم

ئه‌وه‌ی بۆیان زۆر دڵسۆز بێت

ته‌نها منم

منداڵه‌كان ،هاوڕێكانم

گه‌ر حه‌ز ده‌كه‌ن وه‌ك من وابن

گوێم لێبگرن

گوێڕایه‌ڵی باب ودایه‌و

خوشك و براو مامۆستا بن

……………………..

 

 

Previous
Next
This site is registered on wpml.org as a development site.