Skip to Content

Tuesday, July 23rd, 2024
بێ ناونیشان … هیوا سه‌عید

بێ ناونیشان … هیوا سه‌عید

Closed
by November 13, 2012 هۆنراوە

 

 

 

من له‌دوای تۆ

وه‌کو جاران شه‌وان ده‌نووم

به‌ڵام خه‌ون به‌ هیچه‌وه‌ نابینم!

به‌ ڕۆژ به‌ ئاگام

به‌ڵام بیر له‌ هیچ ناکه‌مه‌وه‌..

 

ده‌ستم له‌ ژیان به‌رداوه‌

دوورترین شوێنم چایخانه‌یه‌

ئه‌وه‌نده‌م چای خواردۆته‌وه‌

ددانم هه‌مووی ڕه‌ش بووه‌

با هه‌ر ڕه‌ش بێ.. به‌ته‌ما نیم پێبکه‌نم

 

ته‌نیا خه‌ریکی جگه‌ره‌کێشانم

ئه‌وه‌نده‌م جگه‌ره‌ کێشاوه‌..

ده‌مم بۆنی گرتووه‌

بۆ بۆنی نێ!

ناچمه‌ هیچ بۆنه‌یه‌ک

به‌شداری هیچ ئاهه‌نگێک ناکه‌م

دوورم له‌ هه‌موو جه‌ژنێک

که‌سم نییه‌ ماچی بکه‌م.

 

 

هیوا سه‌عید

Previous
Next
This site is registered on wpml.org as a development site.