دۆڕان … خولیا حسێن

1

لەسەر ترۆپکی

تەنیایی دانیشتووم

قۆلەکانم  لە گەردنی 

پەشیمانی ئاڵاندووەو 

فرمێسکەکانیشم بە خوڕ

دەڕژێنە سەر جەستەی 

دۆڕان

2

گوێم لە ترپەی هەنگاوەکانی دڵمە کە قەفەسی سینەم بەجێ دێڵێ و 

ئاوڕێکی تووڕەشم لێ ناداتەوە

 تا پێی بڵێم بموورە پەشیمانم لەوەی  زیندانم کردی و 

نەمتوانی بەختەوەریت بۆ بێنم !

3

چاوە تەڕەکانم بریوەتە ڕۆحی ماندووم،  کە بە گلەییەوە لێم دەڕوانێ و دەزانم پێم دەڵێ ئەم هەموو ئازارە  لە پای چی ؟ 

خولیا حسێن ٢٠١٢ /کەنەدا