گفتوگۆیه‌کی به‌رکوڵ، له‌گه‌ڵ به‌ڕێز د.ئه‌میری حه‌سه‌نپووردا

له‌سه‌ر "ستانده‌رایزی زمانی کوردیی"
کامیار سابیر……
به‌شی یه‌که‌م و دووه‌م……..

ئه‌و پرۆژه‌یه‌ی پێشکه‌شکراوه‌ به‌ده‌سه‌ڵاته‌ جۆراوجۆره‌کانی سیاسیی له‌هه‌رێمی کوردستاندا، پرۆژه‌یه‌که‌، زۆر بیری لێکراوه‌ته‌وه‌، ده‌یان پسپۆرو شاره‌زا، له‌ ئه‌ده‌بی کوردیی، تێکستی کوردیی، مێژووی کورد، تێوریی و دۆکترینه‌کانی نه‌ته‌وه‌، ناسیۆنالیزم، زمانناسیی، دروستکردنی ده‌وڵه‌ت_نه‌ته‌وه‌ ( Building Nation-State )، پێوه‌ندییه‌ نێوده‌وڵه‌تییه‌کان، سۆسیۆسیاسیی، سۆسیۆکولتووریی و ئه‌نسرۆپۆلۆجیای زمان به‌شدارییان تێدا کردووه‌و بیروڕا گۆڕدراوه‌ته‌وه‌و دیبه‌یتی له‌سه‌رکراوه‌………..