Skip to Content

Wednesday, July 24th, 2024
تارای سپی …یوسف خەلیل

تارای سپی …یوسف خەلیل

Closed
by January 12, 2013 هۆنراوە

 

 

 

 

ئەمڕۆ بەرلە هەڵهاتنی خۆر

شەقامەكانم تەی دەكرد

كپ و مات

نوستوی ژێر ساباتی خەون

پێش ئەوەی پاساری بخوێنێ‌

بەفرم لەسیمای سلێمانیدا

بەدی كرد

شێرە بەفرینە دەركەی ژووانی

خەمی وەلادا

خەندە لەقۆزاخەدا هاتەدەر

من و تۆو گوڵیش

بەفرمان بەركوڵ كرد

بەسەماوە

سیمای یەكتریمان سمی

ئای لەو حەشاماتە وا خرۆشاوە

سەرمای وەلاناوە

سروشتیش هێندە پاكە

لەزەردەخەنەكانی تۆدا بەدی دەكرێ

دەتۆش

لەبری تۆپەڵە بەفری سپی

نوقڵە ماچێ 

دیاری منی غەمباركە

بالەگەڵ هەناسەكانی تۆدا

تاوێ‌ گەرمم بێتەوە

 

 

 

Yousif_kazh@yahoo.com

 

 

Previous
Next
This site is registered on wpml.org as a development site.