Skip to Content

Thursday, July 25th, 2024
پیاوەکانی ژیانم … رێگا رووف

پیاوەکانی ژیانم … رێگا رووف

Closed
by March 11, 2013 ئەدەب

 

 

 

باوکم؛ ئەو پیاوەی کە دەیویست خۆشەویستی خۆی دەربڕی پێی ئەوتم “کچ ھەبێت ئەمەیە”، پیاوێک پر لە ئەتەکێتی ژیان، ھەڵسوکەوت، قسەکردن.. ئەم پیاوە بێ ئەندازە گوێڕایەڵی کلتورو پارێزەری شەرەفی ژن بوو.

براکانم؛ ھەندیکیان تەواو میھرەبان و باوەڕیان بە ئاڵوگۆڕ ھەیە و ھەندێکیشیان دڵرەق و پاسەوانی شەرەف و ھەمان ڕێچکەی باوکمیان گرتووە.

ئەو پیاوانەی بەشێوازی جیاواز لەگەڵیان ژیاوم؛ ھەندیکیان ترادیسیۆنی و وەک ھەر پیاوێکی تری ئاسایی، ھەندیکی تریشیان ڕق ئەستوور بەرامبەر بە کلتوری پیاوسالاری.. ھەندێکیان عاشق و پر لەخۆشەویستی، ھەندێکیشیان خۆویست و خۆپەرست و بێ سۆز.

کورەکەم؛ پیاوی ئایندە، لە ئێستاوە لێوان لێوە لە جوانی، میھرەبانی، خۆشەویستی عەشق، ھاوڕێیەتی…

ئای پیاوان ئێوە چەند ڕەنگاوڕەنگن و ھیچ یەکێکتان لەوی تر ناچن.. منی ژنیش لەھەریەکێ لەو ڕەنگانەی ئێوە ڕەنگێکی تایبەت بەخۆم دروست ئەکەم.. ئێوە با ھەریەکە و بەجۆرێک بڕوانن بۆ ژیان، باھەریەکەتان و بەشیوازێک بێنە ناو دڵی من.. بەڵام ئەوە بزانن؛ کە منی ژن تابلۆیەکی تایبەتم و خۆم بە ڕەنگەکانی ئێوە دەنەخشێنم، تا پێکەوە پەلکەزێڕینەیەک نیگار بکەین بۆ ئەم ژیانە.

 

Previous
Next
This site is registered on wpml.org as a development site.