Skip to Content

Friday, July 19th, 2024
هه‌ولێر … هیوا سه‌عید

هه‌ولێر … هیوا سه‌عید

Closed
by March 28, 2013 هۆنراوە

 

 

 

ئه‌و پرسیاره‌ی

عه‌یامێک بوو سه‌رمی ده‌خوارد

له‌م شه‌وانه‌.. له‌ خه‌ونێکدا

بیرم نییه‌ چ شارێک بوو

وه‌ک جاڕچییه‌ک

به‌ناو هه‌موو خه‌ڵکی شارا

له‌ ده‌رگای هه‌مان پرسم دا

 

پرسیاره‌که‌ی من ئه‌مه‌بوو:

هه‌ولێر چییه‌؟

 

گه‌وره‌که‌یان شاعیرێ بوو

نه‌هاته‌ پێش، هه‌ر‌ له‌ دوورڕا

وتی: عه‌بدولخالق مه‌عروف!

 

به‌م وه‌ڵامه‌ دڵم خۆشبوو

به‌ڵام کاتێ له‌ خه‌و هه‌ستام

چبکه‌م شه‌یتان!

ئاخ! له‌ شه‌یتانی نه‌عله‌تی

بیرمی تێکدا

که‌ عه‌بدولخالق مه‌عروفه‌

یان بکوژه‌کانییه‌تی!

Previous
Next
This site is registered on wpml.org as a development site.