لە وڵاتەکەی مندا … یاسین خێڵانی

سەرۆک ڕۆژی خۆی هەیە

باوکی سەرۆک ڕۆژی خۆی هەیە

کوڕی سەرۆک ڕۆژی خۆی هەیە

برای سەرۆک ڕۆژی خۆی هەیە

حیزب ڕۆژی خۆی هەیە

پەرلەمان ڕۆژی خۆی هەیە

سوپا ڕۆژی خۆی هەیە

پۆلیس ڕۆژی خۆی هەیە

قوتابیان و خوێنکاران ڕۆژی خۆیان هەیە

ژنان و ئافرەتان ڕۆژی خۆیان هەیە

مامۆستایان و فێرکاران ڕۆژی خۆیان هەیە

مزگەوت و کڵێساکان ڕۆژی خۆیان هەیە

تەنانەت لە وڵاتەکەی مندا 

چەتەو ڕێگرەکانیش ڕۆژێکیان بۆ خۆیان هەیە

بەڵام ئەوەی ڕۆژێکی نییە

بە تەنها نیشتیمانە

ئاخ نیشتیمان! 

چۆن وەک ئافرەتێکی زەوتکراو

هەموو گەوادەکانی ئەم دونیا

دوای هەر ئەتککردنێک

سەوداو مامەڵەت پێوە ئەکەن