خهیاڵی دووری……..هاوڕێ موستهفا
Closed
خهیاڵ
نزیكترین دایهن
ببه به لاوێنهری ڕۆحی ساوام ،
چهپكێ ڕهقهبهردی سورێن بكه شهقشهقه و بیدهدهستم
بهڵام توخوا!
له دهستمی مهفڕێنه گهر مێشكی سهرتم پێیان بهردایهوه
خهیاڵ
نزیكترین ڕێبهر
ببه به وهستای ههڕهتی لاوێتیم
كونگهیهك شهربهتی مێوژ بكه تیوبێك بۆیاخی پاستێل و بمدهرێ
بهڵام تو خاتری ئهسحابهكان!
له ڕیشوی فڵجهكانمی مهفڕێنه
ئهگهر وێنهی كهوێكم له سهر كهنفاسهكانت كێشا
خهیاڵ
نزیكترین خهمخۆر
ببه حیكایهت خوانی شهوانی گوێ ئاگردانم و
جوتێك كاڵهی ئاسنینی ههگبهكهتم بهرێ
بهڵام بۆ خاتری كاك ئهحمهدی شێخ!
له پێیهكانمی دامهماڵه ئهگهر خاكی ڕهقهنی نێو داستانهكانتم پێیانهوه كێڵا
