سه‌ما …ئاکۆ محه‌مه‌د سابیر

سه‌یرکه‌ین چه‌نده‌ جوانه‌

باڵنده‌ له‌ئاسمانا

سه‌ما ئه‌کات سه‌ربه‌ سته‌

به‌دنیای شادی مه‌سته

‌

 سه‌یرکه‌ن چه‌نده‌جوانه‌

ماسی له‌ده‌ریاکانا

له‌ئامێز شه‌پۆله‌کان

سه‌ما ده‌کات ژیرانه‌

په‌پوله‌ش سه‌ماده‌کات

په‌ڕه‌ی گوڵ ئه‌کاته‌وه‌

هه‌نگیش گۆنای ماچ ده‌کات

شه‌ونم یش ئه‌یشواته‌وه‌

شه‌نه‌باو هه‌وروڕووبار

پێکه‌وه‌ سه‌ما ده‌که‌ن

تاکو باران دابکات

خاکو خۆڵ تێرئاوبکه‌ن

زه‌ویش عاشقی خۆره‌

به‌ده‌وریا سه‌ماده‌کات

چوار وه‌رزه‌ ڕه‌نگینه‌که‌

پیشکه‌ش به‌ئێمه‌ ده‌کات

سه‌ریکه‌ن چه‌نده‌ جوانه‌

به‌به‌ش خڕوخه‌پانه‌

هه‌ر ئه‌که‌وێته‌ سه‌رپێ

سه‌ما ئه‌کات ده‌ست به‌جێ

ئاکۆ محه‌مه‌د سابیر..سوید2013-04-16