Skip to Content

Friday, March 29th, 2024
لە هەڕەتى شیعرا …  نەوزاد بەندى

لە هەڕەتى شیعرا … نەوزاد بەندى

Closed

 

 

 

 

با لە کورتى بیڕینەوە ئەم پەیوەندییە ..

با درێژەى نەدەینێ ..

وەخت نییە ، تکایە ئاگادار بە ..

*    *     *   

کە شەڕە تۆپەڵمان کرد ،

تۆپەڵەکانى تۆ بەردیان تیا بوو ،

ئەوانەى من شیعر ..

کە دۆعامان کرد ،

ئەوانەى من پڕبوون لە بەزەیى ،

ئەوانەى تۆ لێوان لێو بوون  لە کفر..

*     *      *  

ئێستا لەوە زیاتر کاتم بە دەستەوە نییە ،

ئەزانم دڵت بە من ئەکرێتەوە ،

دەرگاى مەدخەلەکە داناخەم ..

کە هاتیتە ژوورەوە ،

با ڕەشەبا و بەفر لەگەڵتا نەیەن ..

ئێستا ئەزانم کاتت بە دەستەوە نییە ،

بە تەلەفۆنێک تێم گەیەنە ،

سەعات چەند بڕۆین  بۆ بازاڕ ..

سەعات چەند بگەڕێینەوە ؟

چى لەو پارانە بکەین کە کۆى ئەکەینەوە ؟

ئەى کوێ بۆ ئەو ڕۆژانە بگەڕێین ،

کە وونمان کردن ؟

ئێستا لەوە زیاتر کاتم بە دەستەوە نییە ،

ئەزانم لە دەست سیلاح بەشانەکان ڕاتکردووەتە کادانى شیعرێکم ،

ئەم زستانە لەوێ بنوو ..

بەڵێن بێ شیعر نەنووسم ..

ئێستا ئەزانم کاتت بە دەستەوە نییە ،

با لەوە زیاتر گاڵتە بە خۆمان نەکەین ،

بڕۆ حونجە فێرى مناڵەکانت بکە و

منیش ئەگەڕێمەوە بۆ کێشى پەنجەى

ش ی ع ر ە ک ا ن م

 

Previous
Next
This site is registered on wpml.org as a development site.