Skip to Content

Monday, July 15th, 2024
بۆ سۆرانی مامه‌ حه‌مه‌

بۆ سۆرانی مامه‌ حه‌مه‌

Closed
by July 24, 2008 ئەدەب

 
 مه‌رگی نێرگز
  ئه‌و په‌نجه‌ له‌رزۆکه‌ به‌شی
 هه‌ڵوه‌رینه‌
 که‌دزه‌ بڕیاری مه‌رگی
 نێرگز ئه‌دا
 ئه‌و زمانه‌ بۆ بڕینه‌
 که‌بۆگه‌نی گه‌ووڕی مێژووی
 لێ هه‌ڵده‌سێ و
 به‌کوشتنی په‌روانه‌یه‌ک
 فه‌توا ئه‌دا
 بێ به‌زه‌ییم له‌گه‌ڵ دڕکا
 ڕق ئه‌ستوورم له‌خه‌نجه‌ر
 وه‌لێ کاتێ نێرگز ئه‌کوژن
 هه‌موو گیانم دڕک ئه‌گرێ و
 په‌نجه‌م ئه‌بێ به‌نه‌شته‌ر
 هه‌واڵ .. هه‌واڵ
 له‌کوردستانی هێمن و ئازاده‌وه‌
 بۆ هه‌نده‌ران
  له‌به‌شێکی نیشتمانێکی یه‌کگرتووی
 دیموکراسی شازی فیدراڵ
 دوێنێ له‌پرسه‌ی شادیا
 له‌گه‌ڵ نه‌شئه‌ی ئازادیا
 له‌سه‌ر داوای مافپه‌رستان
 له‌نێو ده‌شتی نێرگزانا
 ده‌ستی له‌رزۆک
 چڵه‌ نێرگزێکی وه‌ران
 
  23/7/2008
 

Previous
Next
This site is registered on wpml.org as a development site.