ڕوونکردنه‌وه‌یه‌ک له ماڵپه‌ڕی تایبه‌تی کامه‌ران ئه‌حمه‌د
ڕوونکردنه‌وه‌یه‌ک له ماڵپه‌ڕی تایبه‌تی کامه‌ران ئه‌حمه‌د http://www.kameran.nl
له ڕۆژانی 25 و 26 ی ئابی 2008 چه‌ند کاسه‌لێس و چڵکاوخۆرێکی په‌روه‌رده‌بووی فه‌رهه‌نگی به‌عسی‌یه‌کان و به ئاڵای کوردستانه‌وه و له ژێر ناوی گروپی هاککه‌رانی کورد KHG ماڵپه‌ڕه‌که‌میان هاک کرد ، و ماندووبوون و ڕه‌نجی زیاد له دوو ساڵه‌ی به‌شێک له کاره‌کانم که له ڕاستای خزمه‌تکردن به خه‌ڵکی کورد و فه‌رهه‌نگی پێشکه‌تووخوازیدایه به فیڕۆ دا.
ئه‌م کاسه‌لێسانه‌ی په‌روه‌رده‌بووی سه‌ر ده‌ستی به‌عسی‌یه‌کان که‌سانێکی ترسنۆکن و ڕقیان له هه‌موو شتێکی جوانه. ته‌نها له پێناوی ئافه‌رینێکی گه‌وره‌کانیان و خواردنی چلکاوێکی مانگانه‌دا ده‌ستیان ئه‌چێته خنکاندنی هه‌موو ده‌نگێکی سه‌ربه‌خۆ و ئازاد .
ئه‌م کۆنه به‌عسیانه‌ی دوێنی و داپۆشراو به ئاڵای کوردستانی ئێستا شه‌رمیان نه‌کرد و ساڵنامه‌ی ئه‌نفالستان یان فڕی دا که ماوه‌ی دوو ساڵه له ماڵپه‌ڕ به‌شی تایبه‌تی بۆ کرابۆوه، شه‌رمیان نه‌کرد و وێنه‌کانی قوربانیانی چه‌کی کیمیایی به‌رده‌م دادگای لاهای و دادگاییکردنی فرانس فان ئه‌نراتیان فڕی دا له‌گه‌ڵ ئه‌و دۆکیومێنته گرنگانه‌ی که ڕۆژگارێک له‌سه‌ر جینۆسایدی خه‌ڵکی کوردستان نووسرابوون و وه‌رمگێڕابوونه سه‌ر زمانی کوردی ، شه‌رمیان نه‌کرد وێنه‌ی خۆپیشاندانه‌کانی خه‌ڵکی هۆڵه‌ندایان دژ به له‌شکرکێشی تورک فڕێ دا… شه‌میان نه‌کرد چه‌ندین سکرپتی به‌کوردیکراویان فڕێدا که ته‌نها به‌عسی و تۆرانی‌یه‌کان خۆشی‌یان به زمانی کوردی نایه‌ت .
لێره‌دا به فرسه‌تی ئه‌زانم به‌و چڵکاوخۆره به‌عسی‌یانه بڵێم که دڵنیابن به دواتاندا ئه‌گه‌ڕێم و ئه‌تاندۆزمه‌وه ! ئازارێک که له گیانی منا چاندتان نایه‌ڵم هه‌روا به سانایی به‌سه‌رمدا تێبپه‌ڕێت . ناوی گروپه تیرۆریسته‌که‌ی ئێوه‌م لای پۆلیسی هۆڵه‌ندام تۆمار کردووه و به دواتاندا ئه‌گه‌ڕێم .
تێبینی :
ئیمه‌یڵه‌که‌م که به ناوی ( kameran.sorany@gmail.com ) بوو له ئێواره‌ی 24 -8 -2008 هاککراوه و چه‌ندین زانیاری له‌سه‌ر ماڵپه‌ڕه‌کانی ناوه‌ندی چاک ، گروپی هونه‌ریی باران، هاوپشتی تێدایه . و چیتر ئه‌م ئیمه‌یڵه ناتوانم به‌کاربهێنمه‌وه.
ماڵپه‌ڕه‌که‌م له ڕۆژی 25-8-2008 هاککراوه .
له‌گه‌ڵ ڕێز
کامه‌ران ئه‌حمه‌د
Kameran.ahmad@gmail.com
ئاڵای گروپی کورده کۆنه به‌عسی‌یه‌کان به‌م شێوه‌یه‌یه :
