Skip to Content

Monday, April 22nd, 2024
فیلەكەت ئەى خاوه‌نشكۆ

فیلەكەت ئەى خاوه‌نشكۆ

Closed
by October 22, 2008 گشتی

 فیلەكەت ئەى خاونشكۆ
 سمكۆ عەبدولكەریم

 ئەوكات خەبات ئەوها بوو فسكە فسكى بن دیواران و گەیاندنى زانیاریەكان بە شێوازە جۆراوجۆرەكانى نێو پاكەت و قەپێلكە شقارتەو نێو نیفۆى شەڕوال و چەندین شێوازى تر ، خەباتى دیارى سەردەمى خۆیان بوون كە پێى دەگوترا خەباتى ژێر زەمینى ، ئێستاش كەسانێكى زۆر ئەگەرچى بەقەد داوە موویەك ئەو خەباتەیان نییە كەچى نانى ئەو خەباتى ژێرزەمینییە دەخۆن و لافى پێلێدەدەن .
 ئیتر خەبات هەر خەباتە لەمبەربىَ یان لەوبەربىَ ژێر زەمینى بىَ یان سەرزەمینى وەك چۆن لە سیستەمى دیموكراسى و هەڵبژاردنیشدا دەنگ هەر دەنگە خاوێن بىَ یان پیس بىَ لە نێو سندوقەكانى دەنگداندا یەك قیمەتە .
 من زوو لەوە تێگەیشتم كە بەشێك لەوانەى خاوەنى خەباتى ژێر زەمینین بە ئاهى خەڵكى ترەوە كە خزاونەتە نێو ئەو خەباتەوە سووتاون كەسیش باوەڕیان پێناكات، چونكە ئێستا خەباتى سەرزەمینى  و خەباتى تر دەخوات ، بەڵام شتێكى تر كە  درەنگ تێگەیشتم ئەوە بوو لە كۆنگرە رۆژنامەوانییەكانى سەرۆكى هەرێم و حكومەت ئەگەر كامیرات  پێبىَ دەبىَ بچییە پەنایىَ و زوومى كامیراكەت بینییە پێشىَ و  وێنەیەكى وێنەكانیان بگرى ، ئەوەشیان هەر تێنەگەیشتم كە بۆچى دەبىَ تەنیا وێنەكانى سەرۆكى هەریم و حكومەت زووم بكرىَ ، بەڵام وینەى سەرۆك كۆمار یان هەر سەركردەیەكى تر كە بەشدارى كۆنگرە رۆژنامەوانییەكەن حیسابى بۆ نەكرىَ ، مەگەر پارستنە ئەمنییەكە نابىَ بۆ هەمووان بىَ .
 بەهەرحال ئەو خەباتە وەك روبار وایە تا ئەبەد ناوەستىَ ، مەگەر بۆ چەند ساڵیك بەسەر یەكەوە وشكە ساڵى بێت ، كە ئەمەشیان بۆ هەندەكان  هەر خێرى تێدایە ، بەڵام بۆ ئەو كەسانە نا كە قەرەبوو دەكرێنەوە ، بەڵكو بۆ ئەوكەسانەى كە قەرەبووەكە دابەش دەكەن .
     ئەو فیلمەش تەواو دەبىَ ئەو تەیرى ریفۆرمە هەر دەبىَ بنیشێتەوە ،چونكە هەموو شۆڕش و باڵەكان تا ئەو شوێنە جوان و خۆشەویستن كە لە دەسەڵاتدانین .   هاوڕییەكى پێشمەرگەى دیرین بۆى گێڕامەوە كە ئەو كات ئاڵاى شۆڕشى ناو یەكێتى بووە ووتى: چەند چركەیك پێشتر بە قسە دەمانكوشت و نەمان دەشاردەوە ، بەڵام كاتىَ كار گەیشتە ئەوەى دەست دەینە چەكى و بەرەى خۆمان بۆ دەشتى هەریر و ناوچەى روستى جوداكەینەوە بەشێكى زۆرى پێشمەرگەكان گۆتیان وەلڵا بابە ئەمە تا ئەو شوێنەى ئاڵاى شۆڕشین كە لەناو یەكێتى داینە ، ئێمە تەنیا ئاڵاى شۆڕشى ناو یەكێتین. بۆیە ئەوە تەنیا خەیالێكى خۆشە كە پێى وایە مادام خەڵكى هەمووى باسى گەندەلى و نادادپەروەرى و كەمو كۆڕى دەكات كەواتە هەموویان باڵى ریفورمن .
 

Previous
Next
This site is registered on wpml.org as a development site.