ئەو و من …!…..سەروەر كەریم

 ئەو و من …!
 سەروەر كەریم

 زۆرگرانە ئاو پێناسەى ( من ) بكات ،
 كەباران ماڵئاوایى ، لەئاسمان كردوە و ،
 مەیخانەكان دەروازەكانیان كڵۆم داوەو ،
 هیچ ، كەس بەتامى شەراب ئاشنانى یە .
 ( من ) خۆم تەنیاترین پیاوى دنیام و ،
 بەخۆرى بەیان ئاشنانیم و ،
 سەردانى باخچەكانى خۆشنودى ناكەم و ،
 گوآ بۆڕازى كەناریەكان ناگرم .
 هیچ حەكیمێك دەرمانى ( من ) ناكات ؟
 هیچ خودایەك فێرى سرووتى پەرستنى نەكردم ؟
 تابەشوێن گریانى هەوردا بگەڕێم .
 ئەمێستا ( من ) ئەوم و !
 ئەو بەتەنیا ئیرەمى عەشقەو ،
 هەموو وەرزەكانى تەمەن بەئاو دەكات .
 ئاى فەلسەى ئاو و دەریا !
 ئەم بآ ڕەنگیەى خۆتت لەكوآ هێنا ؟
 تا ( من ) ، لەخۆتا نغرۆ بكەیت و،
 نەهێڵى ئاوێزانى ڕەنگى ئەوبم .
 ئەو بەتەنیا خۆى سرووتى نهێنى ژیانەو ،
 كەس ناگاتە ئاستانەى بینینى .
 ( من ) بەم ڕەنگە ئاویەوە ،
 چۆن بتوانم وێنەى ڕوخسارى بكێشم ؟
 كە ئەو لەگەڵ باران نایەت و ،
 ڕەزاكانى دڵى بۆمانگ نادركێنىَ و ،
 چاوەكانى لەبینین تۆراندوەو ،
 ئەسرینى ئومێد ناڕێژێنێتە ،
 ناو دەریاى پڕ لەئاوى منەوە .
 ئەفسوس … ئەفسوس
 ئەوى ( من ) نابێتە باران و ،
 كێڵگەى خۆشەویستى دڵم ئاوبدات و ،
 لەم زەمەنى تەنیایەدا !
 پیتەكانى ناوى ( من ) !
 لەناو دڵیدا بنەخشێنىَ و ،
 وەرزى تەنیایى ژیان كۆتایى بێت .
 
 سلێمانى
 15/10/2008