خوایە ئەو تاوانبارە چۆن هەڵهات ؟…..پێشڕەو حەمید

 خوایە ئەو تاوانبارە چۆن هەڵهات ؟
 پێشڕەو حەمید

 دواى بیست ساڵ لەچاوەڕوانى هەمومان بەگەورە وبچوكەوە سەرە ڕاى ئازارو برینەكانمان , لەشەهید كردنى شارێكى كوردوپەروەرى وەك ( هەڵەبجە ) دا چاوەڕوان بوین بۆیەكەمین جار تاوانباران بەچاوە پڕلە فرمێسكەكانمانەوە ببین و بزانین ئە بونەوەرە نەخۆشخانەى كە خوێن ساردانە و بێڕەحمانە شارێكیان پڕكرد لەمرۆڤى بێ هەناسە , كێن و چى جۆرە جەللادێكى سەردەمن .
 بەڵام ئەفسوس بۆ پاسەوانانى كوردو سیاسەكانى كورد نەیان توانى جەللادێكى وەك ( تاریق محمەد ڕەمەزان )  تاڕۆژى دادگاى كردنى تاوانبارانى كەیسى ( هەڵبجە )  لە یەكێك لە ژوەرەكانى زیندانى كردنەكانیاندا وەك ئەو هەمو گیراوەى تر بهێڵنەوەو ڕادەستى دادگاى باڵاى تاوانەكانى عێراقى بكەن تــابۆئەوەى بزانین ئایا ( عەلى كیمیایى ) هە موكوڕە    لەسەر تاوانباركردنى ( ئێران )   بە كوشتنى هەڵبجە , یان ( تاریق محمەد ) هێندەى گەورەى ڕیسوایە كانى خۆى ( عەلى حەسەن ) ى ڕیسواو شەرمەزار دەكرد و تفێكى لەو ڕۆژە دەكرد كە لە وڵاتێكى وەك عێراقى شۆڤێنیەكاندا  لەدایك بوە ؟
 خوایە ئەوتاوانبارە چۆن هەڵهات ؟ بۆچى تاوانبارە ( نەخۆشەكە ) كە لەڕۆژى (  25/10/2008 ) لەدەست هێزەكانى ئاسایش هەڵدێت و دوجار ئێمە لە ڕۆژى ( 21/12/2008 ) بەو هەڵهاتنە دەزانین ؟
 خوایە گوناهى كێیە ؟
  بەدبەختى كەسو كارى قوربانیەكانى هەڵەبجەیە كە مەحكومن بەوەى هەمیشە خەم لەدواى خەم لەدڵە ناسكەكانیاندا  چەكەرەبكات ؟ یان ئەوانەى ( ئێمە ) ناومان لێناون ( جەللاد )  , لەدیدى ( پاسەوەنەكانى كورد) ەوە ( فریشتەن )  و نابێت سزابدرێن ؟؟
  خوایە ئەوتاوانبارە چۆن هەڵهات ؟ لەكاتێكدا دارو بەردى كوردستان هەمویان موعتەمیدى ئاسایشى كوردین ؟؟