پرسیاری سه‌یر ….به‌ندی عه‌لی
Closed
به‌ندی عه‌لی .. زستانی 2009
پرسیاری سهیرچ بونه‌وه‌رێکی سه‌یرین
ئێمه‌ی مرۆڤ
تێکه‌ڵه‌یه‌ک له‌قومی بێباکی که‌نار
چه‌مه لیخنه‌که‌ی ئه‌مڕۆو
چڵه ریحانه‌یه‌کی ووشکی یادگارو
گابه‌ردێکی به‌جێماوی ئه‌شکه‌وته‌که‌ی
شه‌وانی چاخه‌به‌ردینه‌و
گۆچانی پرسێکی ڕزیو ؛
ئێمه‌ی هێلکه
له‌که‌یه‌وه تروکاوین
چۆن دروست بووین
.. بۆ کوێ ئه‌چین
ئه‌ی ئه‌م ڕه‌نگه جیاوازانه
کێ پێی به‌خشیین
ئه‌دی بۆچی ، له‌یه‌ک ناگه‌ین
ته‌نانه‌ت گه‌ر
هه‌موو به‌یه‌ک زاریش بدوێین
له‌گشت ئه‌مانه‌ش سه‌یر تر
وای پێ ده‌چێ ، تافه‌نابوون
وه‌ڵامێکی ڕوون و ڕه‌ها
!.. هه‌ر نه‌بیستین
