Skip to Content

Sunday, May 19th, 2024
انا لله وانا  الیە راجعون

انا لله وانا الیە راجعون

Closed
by January 26, 2009 ئەدەب

 انا لله وانا  الیە راجعون
   قوبادى جەلى زادە

 
 قەرزارى دایكمم ….
 دەیبردم بۆ حەمامى عمومى .!!!
 هەموو ژنە عەبابەسەرەكانى گەڕەكم ، بەرووتى دەبینى !
 
 هەبوون ، بەژن بڵندوو باریك .
 هەبوون ،  خڕوو خەپەو كورتیلە .
 هەبون ،   سپى سپى و پەمەیى .
 هەبوون ،  ئەسمەروو رەشتاڵە .
 
 هێندىَ مەمك ، توند وەك هەنارى شارەبان .
 هێندىَ زل ، بەقەد كەللە سەرى ، ئەو سەردەمەى من .
 هێندێكیش، چرچ چرچ ،
 بەسەر لۆچ لۆچى سگدا شۆڕ ببونەوە .
 
 كاتىَ كەف دەچووە ناو چاومانەوە ، تیكڕا دەمان چریكان.
 كە پەشتەماڵ ِدادەماڵا لەكەمەر ، لە نێوان دو لقى درەختدا ،
 لانەیەكم دەبینى لە موو .!
 
 حاڵى حازر :
  بەشێك لەو ژنانە ، كەڕوو كوند .
  بەشێك , كووڕ كووڕ .
  بەشێك ، حاجى و حاجى ژن
  بەشێك ، پیروو كەنەفت .
  بەشێك ، ژێر پیاڵە لەچاو .
  بەشێك ، بە تەسبیحى سەدوو یەك قلەوە ، لەسەر بەرماڵ .
  بەشێكیشیان ،
  ئێوە خۆش !
    (( انا للە وانا الیە راجعـــــــــــــــــــــــــــــــــــــــــــــون ))
 
 

Previous
Next
This site is registered on wpml.org as a development site.