Skip to Content

Sunday, June 23rd, 2024
ئه‌گه‌ر ئه‌مجاره‌ بوركانه‌كان بته‌قنه‌وه‌ چی ڕوئه‌دات ؟…پێشڕه‌و حه‌مید

ئه‌گه‌ر ئه‌مجاره‌ بوركانه‌كان بته‌قنه‌وه‌ چی ڕوئه‌دات ؟…پێشڕه‌و حه‌مید

Closed
by February 19, 2009 گشتی

ئه‌گه‌ر ئه‌مجاره‌ بوركانه‌كان بته‌قنه‌وه‌ چی ڕوئه‌دات ؟

پێشڕه‌و حه‌مید

دروستبونی حیزب له‌كوردستاندا له‌ماوه‌ی یه‌ك سه‌ده‌ی ڕابردودا له‌ساتێكی پێویستدا هاتوه‌ته‌ دامه‌زراندن و له‌سه‌رده‌مه‌ جیاوازه‌كانی حكومڕانی له‌عێراقدا هه‌رحیزبه‌و بۆخۆی خاوه‌نی ئایدۆلۆژیایه‌كی تایبه‌تی بوه‌و له‌گه‌ڵ گۆڕانكاریه‌كاندا زۆرێك له‌وحیزبانه‌ پوكاونه‌ته‌وه‌ و له‌دوای هه‌ره‌س هێنانی شۆڕی ئه‌یلول وئاڵۆزی پرسی كورد,بواری زیاتر ڕه‌خسابۆ دروستبونی چه‌ندحیزبێكی تركه‌ تائه‌مڕۆ زۆریه‌ك له‌و حیزبانه‌ سه‌ره‌ڕای نزیك بونه‌وه‌یان له‌ نه‌مان به‌هۆی كێشه‌ ناوخۆیه‌كانی حیزب و(ئینشیقاق) ی حیزبی وشه‌ڕی یه‌كتركوشتن , هێشتا له‌گۆڕه‌پانی سیاسیدا له‌ململانیدان .
 وازهێنای به‌كۆمه‌ڵ له‌ئاستی سه‌ركردایه‌تی هه‌رحیزبێكدا هه‌ڵوه‌شاندنه‌وه‌و پارچه‌پارپه‌بونی ته‌واوی ڕێكخستنه‌كانی ئه‌و حیزبه‌ ڕاده‌گه‌یه‌نێت , خۆ ئه‌گه‌ر حیزبێكی باڵاده‌ستیش توشی ئینشیقاق بێت و پارچه‌ پارچه‌بێت و ده‌سه‌ڵاتداربیێت نیوه‌ی كورسیبه‌كانی حوكمی وڵاتی له‌ده‌ستدابێت ئه‌وا به‌ته‌واوه‌تی هاوكێشه‌سیاسیه‌كان له‌ئاستی ناوخۆیی و ئیقلیمدا به‌ كێشه‌ناوخۆیه‌كانی ئه‌و كاریگه‌ر ده‌بن و ده‌گۆڕدڕێن .
ئیستیقاله‌كردنه‌كه‌ی پێنج ئه‌ندامه‌كه‌ی مه‌كته‌بی سیاسی یه‌كێتی , ئه‌گه‌ر به‌دیوێكدا ختوكه‌دانێكی درنگ وه‌ختانه‌ی میزاجی سیاسی ( جه‌لال تاڵه‌بانی ) و لایه‌نگرانی و ڕوخاندنی ئه‌وپایانه‌یه‌بێت كه‌ كورسیه‌كانی ( خانه‌وه‌دای تاڵه‌بانی )  خۆیی له‌سه‌ری ڕاگرتوه‌ , ئه‌وا به‌ دیوێكی تردا هه‌وڵێكی تره‌ بۆ چاره‌سه‌ركردنی كێشه‌كانی ناو یه‌كێتی و به‌هێزكردنی یه‌كێتی و ئاشتكردنه‌وه‌ی یه‌كیًَتیه‌ له‌ گه‌ڵ خۆیدا .
ئه‌گه‌ر ئاشكراكردنی دارای یه‌كێتی و گوڕٍینی به‌رپرسه‌كان و فراوانكردنی ده‌سه‌ڵاتی جیگیره‌كانی ( مام جه‌لال )  و كه‌مكردنه‌وه‌ی نفوزی كه‌سه‌نزیكه‌كانی سكرتیری یه‌كێًتی  …هتد, داواكاری جه‌وهه‌ریانه‌ی پڕۆژه‌ پێشنیازكراوه‌كه‌ی ئه‌وپێنج ئه‌ندامه‌ی مه‌كته‌بی سیاسی بێت ئه‌وا به‌رژه‌وه‌ندی گشتی خه‌ڵكی كوردستان له‌كوێی داواكاری و چاكسازییه‌كانی ئه‌واندایه‌ ؟ له‌كاتێكدا له‌كۆی هه‌ر یانزه‌ خاڵه‌ پێشنیراكراوه‌كه‌یان هیچ ئاسۆیه‌ك بۆبه‌رژه‌وه‌ندی گشتی خه‌ڵكی كوردستان له‌ داواكاریه‌كانیان به‌دیی نه‌كرابو جگه‌ له‌ به‌هێزكردنی پێگه‌ی ئه‌ندامانی مه‌كته‌بی سیاسی و ده‌سه‌ڵاـی خۆیان له‌یه‌كێتی و ڕێكخستنه‌وه‌ی ڕێكخستنه‌ لێكترازاوه‌كانی ی یه‌كێتی و گه‌ڕانه‌وه‌ی ئه‌ندامه‌ تۆراوه‌كان و ئاشتبونه‌وه‌ی گشتی یه‌كێتیه‌كانی ناو یه‌كێـی نه‌بێت .
  ئایا له‌به‌رامبه‌ر ئه‌م كێشه‌نێو خۆیه‌ی یه‌كێتیدا ( تاڵه‌بانی ) وه‌ك توانی بڕوابه‌ هه‌ریه‌كه‌ له‌ وپێنج ئه‌ندامه‌ی ( م .س ) بهێنێت , ئه‌گه‌ر واژووكردنه‌كه‌ی له‌سه‌ر  داواكاریه‌كانیان ته‌نها خاوكردنه‌وه‌ و ساردكردنه‌وه‌بێت و سه‌رله‌نوێ‌ كێشه‌یه‌كی وه‌ها سه‌ر هه‌ڵبداته‌وه‌ , ئایا ده‌توانێت وه‌ك هه‌مو جاره‌كانی تر له‌ كێشه‌كان گه‌وره‌ترده‌بێت وچاره‌سه‌ریان بكات ,یان سه‌رهه‌ڵدانه‌وه‌ی كێشه‌كی تر برینێكی تر ده‌خاته‌ جه‌سته‌ی یه‌كێتی و به‌خشینی ( سه‌دان ده‌مانچه‌ ) ی تر  ناتوانێت ببێته‌ هه‌توانی برینه‌كانی ؟!
ئایا ئه‌و گروپه‌ی كه‌ وازهێنانی خۆیان ڕاگه‌یاند و به‌ جێبه‌جێكردنی داواكاریه‌كانیان  گه‌ڕاونه‌ته‌وه‌ بۆ ناو ( م . س ) تاچه‌ند پێداگری له‌سه‌ر جێبه‌جێكردنی داواكاریه‌كانیان ده‌كه‌ن و تاچه‌ند ئه‌و چه‌ند خاڵه‌ له‌ نوسینی سه‌ر ته‌نها په‌ڕه‌یه‌ك ده‌خه‌نه‌ قۆناغی پڕاكتیكی یه‌وه‌و تاچه‌ند ئه‌جیندای ( تاڵه‌بانی ) هاوكارده‌بێت بۆ فه‌راهه‌م كردن و ڕه‌خساندنی كات بۆ جێبه‌جێكردنی خاڵه‌ بڕیارله‌سه‌ر دراوه‌كان ؟ ئایا وازهێنانی ئه‌و پێنج ئه‌ندامه‌ی ( م ,س ) یه‌كێتی , ته‌كتیكێك نه‌بو  بۆ  دۆزینه‌وه‌ی بیانویه‌كی سیاسیانه‌ بۆ هێنانه‌وه‌ی ( نه‌وشیروان موسته‌فا ) بۆناو یه‌كیتی ؟
ئایا ڕازی بونی تاڵه‌بانی به‌مه‌رجه‌كانی ئه‌و پێنج ئه‌ندامه‌ی مه‌كته‌بی سایی یه‌كێتی نیشتمانی , تاچه‌ند شوناسی كه‌سایه‌تییه‌كی كاریزمی له‌ تاڵه‌بانی وه‌رگرته‌وه‌ ؟ له‌كاتێكدا هه‌میشه‌ تاڵه‌بانی مه‌رجه‌عی یه‌كێتی بوه‌و له‌ناو یه‌كێتیدا له‌سه‌روه‌ تاخواره‌وه‌ وێنه‌ی كاره‌كته‌رێكی كاریزمییان به‌ خودی ( تاڵه‌بانی ) به‌خشیوه‌ ؟
ئایا بێده‌نگ بونی ( نه‌وشیران موسته‌فا ) له‌ مه‌ڕ برینداربونی یه‌كێتی به‌رله‌ ڕازی بونی ( مام جه‌لال ) له‌سه‌ر داواكاریه‌كانی ( كاك كۆسره‌ت و چوارئه‌ندام ) ه‌ كه‌ی تر   ئه‌نجام گیری كام له‌ هۆكاره‌كان بو ؟   ئایا ( نه‌وشیروان موسته‌قا ) بێده‌نگ بو له‌به‌ر ئه‌وه‌ی ده‌یزانی هێشتا ( مام جه‌لال ) له‌و كێشه‌یه‌ گه‌وره‌تره‌ و ده‌توانێت ته‌وای نمایشكاره‌سیاسیه‌كان بخاته‌وه‌ سه‌رهه‌مان هێلی كاركردنی نواندن ؟ یان پێشهاته‌كان دور له‌ پێشبینی خودی ( نه‌وشیراون موسته‌فا ) وه‌ بون و توانایی شرۆڤه‌كردنی بۆیان نه‌بوه‌ و وه‌ك خه‌ونێك ئه‌وه‌ پێشهاته‌ كتوپڕه‌ی ده‌بینی كه‌ جگه‌ له‌ تیمه‌كه‌ی خۆیی له‌ناو ( م.س ) دا گه‌وره‌ترین كه‌سایه‌تی تر داوای ڕیفۆرمی ده‌كرد ؟ ئایا له‌ئه‌گه‌ری وازهێنانی ( كۆسره‌ت ڕه‌سول ) له‌م كاته‌ ناسكه‌ی یه‌كێتیدا تاچه‌ند یه‌كێتی لاوازده‌كات و تاچه‌ند پرۆژه‌ پێشنیاركراوه‌كانی باڵی ڕیفۆرم سه‌رده‌خات ؟ ئایا دوركه‌وتنه‌وه‌ی جێگیری سكرتیری یه‌كێتی تاچه‌ند ده‌بێته‌ واقیع ئه‌گه‌ر داواكاریه‌كانی نه‌ڕۆنه‌ قوناغی جێبه‌جێكردنه‌وه‌ ؟ له‌كاتێكدا به‌قسه‌ی لایه‌نه‌ سیاسیه‌كان و به‌شێك له‌ئه‌ندامانی یه‌كێتی خودی ( كۆسره‌ت ڕه‌سول ) نیوه‌ی یه‌كێتی پێك ده‌هێنێت ؟ .
له‌دوای ئه‌وه‌ی كێشه‌كانی ناو یه‌كێتی چاره‌سه‌ركران و بڕیاری ئاشتبونه‌وه‌ی گشتی له‌ناوڕێكخستنه‌كانی یه‌كێتی دا درا , چاره‌نوسی ( گرده‌كه‌و كۆمپانیای وشه‌ ) به‌كوێده‌گات  له‌كاتێكدا هێشتا به‌پاره‌ی یه‌كێتی گرده‌كه‌ هه‌ناسه‌ ئه‌دات ؟ ئایا ( كاك نه‌وشیروان ) ده‌گه‌ڕێته‌وه‌ بۆناو ( م . س ) یان به‌هه‌مان بیروباوه‌ڕی ئۆپۆزسێونانه‌وه‌كارده‌كات و به‌لیستێكی جیاوازه‌وه‌ له‌ واده‌ی هه‌ڵبژاردنه‌كان و  ململانیه‌كاندا ڕوڵ ده‌بێنێت ؟
ڕۆشنبیرو ئیعلامیه‌كانی یه‌كێـتی به‌ر له‌ ڕێكخستنه‌وه‌ی ماڵی یه‌كیتی بۆچی بێدنگیان هه‌ڵبژارد و نه‌یان توانی ته‌ندروستانه‌ و دور له‌به‌رژه‌وه‌ندی گروپ كاری ناو یه‌كیتی كاربكه‌ن بۆ چاره‌سه‌ركرنی كێشه‌كان و نزیكردنه‌وه‌ بۆچون و بیروڕاكان و نه‌یان توانی واقعیانه‌ شرۆڤه‌ی پێشهاته‌كان بكه‌ن و وه‌ك ئۆرگانێكی گرنگی حیزبی به‌ئه‌ركی خۆیان هه‌ستن و ئه‌و خۆخواردنه‌وه‌ به‌رده‌وامه‌ی ئه‌ندامانی یه‌كێتی ته‌ندروستانه‌ له‌ڕێگه‌ی كه‌ناڵه‌ جیاجیاكانی ڕاگه‌یاندنه‌وه‌ چاره‌سه‌ربكه‌ن , له‌كاتێكدا یه‌كێتی هه‌میشه‌ شانازی به‌ ڕاگه‌یاندن و كاره‌كته‌ره‌كانی ناوی ده‌زگا ئیعلامییه‌كانی خۆیه‌وه‌ ده‌كات ؟
ئه‌گه‌ر داواكاریه‌كانی ئه‌و پێنج ئه‌ندامه‌ی مه‌كته‌بی سیاسی , سه‌د ده‌رسه‌د جێبه‌جێ نــه‌كران و له‌ئه‌گه‌ری سه‌رله‌نوێ‌ سه‌رهه‌ڵدانه‌وه‌ی كێشه‌كان و به‌مۆدیل بونی  وازهێنانی به‌كۆمه‌ڵ له‌ ژیانی سیاسی ناوڕێكخستنه‌كانی یه‌كێتی نیشتمانیدا , ئایا تاچه‌ند یه‌كێتی لاوازده‌كات ؟ له‌كاتێكدا هه‌ر سێ‌ كۆڵه‌كه‌ گه‌وره‌كه‌ی یه‌كێتی ( دارایی و ڕاگه‌یاندو ڕێكخستن ) تائێستاش به‌ ده‌ست خودی  تیمه‌كه‌ی ( تاڵه‌بانی ) یه‌وه‌یه‌ ؟ ئایا ئه‌گه‌ر ئه‌م جاره‌ بوركانه‌كانی ناویه‌كێـتی بته‌قنه‌وه‌ چی ڕوئه‌دات ؟ له‌كاتێكدا هه‌ریه‌كه‌ له‌ و سێ‌ باڵه‌كه‌ی ناویه‌كێـتی بوركانێكن بۆخۆیان ؟. 

Previous
Next
This site is registered on wpml.org as a development site.