Skip to Content

Saturday, September 26th, 2020

دراماسازانى كورد stop…سیروان ناشاد

Be First!
by September 24, 2008 گشتی

 دراماسازانى كورد stop
 سیروان ناشاد

 دەرهێنەران و دراماسازانى كورد باش لەوەتێگەیشتوون گەر لەدەست بەتاڵى و ناچارى نەبىَ باوەڕناكەم كەسێك ئامادەبێت بە دیار ئەو دراما كوردییانەوە، كە لە ڕەمەزانى ئەمساڵدا لە كەناڵە كوردییەكاندا نمایش دەكرێن، دابنیشێت و شتگەلێك تێبگات و كەمێك پێیان ئاسوودە بێت، ئەو بەناو درامایانە بەشێكیان بۆ منداڵان دەشێن شێوەى هەر ئەفلام كارتۆنێك و بەشێكیشیان نەبوونیان باشترو بەخزمەتترە وەك لەبوونیان.
 هەر لە بۆشایى دراماى كوردیدایە كەوایكردووە زنجیرە دۆبلاژكراوەكان هێندە ڕەواج پەیدابكەن، یاخود مالأ نییە شەوانە چەندین سەعات بەدیار فیلمێكى (عەرەبى، توركى، فارسى)یەوە دانەنیشێت و بۆماوەیەكى زۆریش دیمەن و ڕووداو و حیوارەكانى لە زاكیرەیدا سەیڤ دەبێت.
  لەو دراما كوردییانەدا هێندە حیوارى (مومیل) و درێژدادڕو بآ ماناو هەڵەى زمانەوانى و سیناریۆى پێچەوانەو دیمەنى دووبارە دەبینیت، سكت بە حاڵى فیلم و دراماو سینەماى كوردى دەسوتآ كە تا ئەو ڕادەیە هەژاربآ!. داماوى وەزارەتى رۆشنبیریش بە روخسارى دراماكانەوە دیارە مانشێتى دراما لە سلۆرى  دەڕوات.
 سەیر لەوەدایە هەموو ئەو دراما كوردییانەى كە لەشەوانى  ڕەمەزان نمایش دەكرێن، هەر بۆ ئەوەى دراماكە سى ڕۆژەى پڕ دەربچێت و لەگەلأ ڕۆژووان بە ڕۆژووبێت و لەگەلأ ئەوانیشدا جەژن بكەن، دراماكان وەكو لاستیك ئەڵقەكانى درێژكراونەتەوەو بەدیمەن و سیناریۆو حیوارى سەقەت و بآ ماناو دووبارە درێژدادڕكراون، كە ڕەنگە هەندێك لەو درامایانە چەند ئەڵقەیەكى كەم یان فیلمێكى چەند سەعاتى لێدەربچێت ئەگەر پوخت و پەڕو بالأ بكرآ.
 نەمانبینى ئەو دراما كوردییانە بتوانن گۆڕانێكى كۆمەڵایەتى، كولتورى، فیكرى،….دروست بكەن و مرۆڤ ناچار بكات جارێكى تر حەز بە بینینەوەیان بكات، بەبآ ناو هێنان هیچیان نەیانتوانیوە شتێك لە زاكیرەماندا بەجآ بهێڵن لە بابەت و حیوارو سیناریۆو……هتد.
 فیلم و دراما…دەبآ هەڵقوڵاو و ڕەنگدانەوەى كۆمەڵگەكەى بێت و ببێتە سەفیرى وڵاتەكەى لەسینەماو شاشە تەلەفزیۆنەكانى جیهاندا، دراما هەر وێنەگرتن و قسەكردن نییە، بەڵكو پەیامە و ئەركى پەروەردەیى و فێركردنیشى هەیە، لەگەلأ ئەوانەشدا دەبآ ڕەخنەلە داب و نەریتە چەوتەكان و دیاردە ناشیرینەكانى ناو كۆمەڵگە بگرێت و بەڕوویەكى جوانترو باشتر نمایشیان بكاتەوە.
 ڕۆژنامەیەكى ئێرانى مانشێتى سەرەكى بە خەتێكى گەورە لەسەرزارى بەرپرسێكى ئێرانیەوە نووسى بووى "ئەگەر ئەمریكا دەیەوآ ململانێى ئێران بكات با تەماشاى فیلمەكانى بكات".
 كەچى بەداخەوە فیلم و دراماكانى ئێمە نەك هەر لایەنى پەروەردەیى و فێركردنى و كاریگەرى گۆڕان و ئاراستە كردنیان نییە، و تەنیا لە چوار چێوەیەكى تەسكى فكرى و بابەتێكى وەكو (خۆشەویستى نێوان كوڕ و كچێك) قەتیس دەمێنێت، وەكو بڵێت ئەم وڵاتە هیچ كێشەیەكى نییە جگە لەوەنەبێت، وێراى ئەمانەش لەجیاتى ئەوەى بەگژ دیاردە، ناشیرین و قێزەونەكاندا بچنەوە كەچى وەكو خۆیان نمایشیان دەكەنەوەو رەواجیان پێدەدەن.
  لێرەوە دەكرآ بڵێین دەرهێنەران و سیناریۆست و دراماسازانى كورد (stop)، بۆ ئەوەى كوردیش شتێكى هەبآ، بەناوى فیلم و دراماو كەسێكى ترى وەكو یەڵماز گۆناى تێدا هەڵكەوێتەوە پێویستە (back) كلیك كەن و بگەڕێنەوە بۆمێژووى دراماى جیهانى.
 

Previous
Next

Leave a Reply