Skip to Content

Wednesday, September 30th, 2020

له‌ دڵی خۆمدا بیرت ده‌که‌م……. ڕێبین ئیسماعیل

Be First!
by November 4, 2008 ئەدەب

 له‌ دڵی خۆمدا بیرت ده‌که‌م  
 ڕێبین ئیسماعیل

 جێ پێکانی دڵی تۆ له‌ ڕوخساری مندا  خه‌مبارن ،
 ئاسه‌واری په‌نجه‌ ترساوه‌کانی من له‌ خه‌یاڵی تۆدا کوژران ،  بۆ ئه‌وه‌ی گریان نه‌که‌ینه‌ پیشه‌ی خۆمان  با په‌نجه‌ره‌یه‌ک به‌سه‌ر ڕۆژێکدا بکه‌‌ینه‌وه‌ که‌ ئیدی ناکۆتا ده‌ست پێده‌کات ، به‌ ڕێگایه‌ک بدۆزینه‌وه‌ که‌ ئیدی مناڵی چرۆ ده‌کات ، ماڵی من و تۆ چیتر جێگای حه‌وانه‌وه‌ نین ، دڵی من و تۆ ئیدی جێگای بوژانه‌وه‌ نین  ، بۆ ئه‌وه‌ی خه‌مباری نه‌که‌ینه‌ سه‌ودا با لیوی ئه‌م ئاگره‌ ڕاموسین ، با ده‌ست له‌گه‌ڵ باراندا تێکه‌ڵ بکه‌ین ، با له‌گه‌ڵ دارخورما نامه‌کانی ڕۆژانی دڵداریمان موتوربه‌ بکه‌ین .
 من چیتر شێتانه‌ که‌سم خۆشناوێت ، چونکه‌ ده‌زانم ده‌ست که‌وتی ئه‌شقی شێتانه‌ ته‌نها خه‌مباریه‌ ، من چیتر پادشایانه‌ ناڕۆمه‌ به‌ره‌ی ئه‌وینه‌وه‌ ، چیتر ده‌زانم تاج و نه‌جمه‌کانم به‌رگه‌ی هه‌ناسه‌ی گه‌رمی که‌سی تر ناگرن ، خۆ ده‌بێت بزانیت ئه‌شق چیتر یاریه‌ک نیه‌ به‌ڵکه‌ پاش که‌وتی یاریه‌کانه‌ ، ئه‌وین کاتێک ده‌ست پێده‌کات ، که‌ ئیتر مرۆڤ ڕوله‌ کۆتایه‌ ، ئێمه‌ له‌گه‌ڵ دڵدا که‌تینه‌ زۆرانه‌وه‌ بۆیه‌ دۆراین ، ئاخر دڵ هه‌میشه‌ له‌ جه‌نگ و ئاشوبدا نایباته‌وه‌ .
 که‌سێک سنگی خۆی ده‌کاته‌وه‌ و به‌ زه‌مانه‌ ده‌ڵیت ئه‌وه‌ تیری تۆ و نیشانی من ، وااایی دڵی ئێمه‌ چه‌نده‌ هه‌رزانه‌ ، ئاه چ تاڵان فرۆشیه‌که‌ مه‌زاد خانه‌ی دڵداران ، له‌ کۆترێکم پرسی بۆ خۆت له‌ ساچمه‌و تیره‌کان ده‌شاریته‌وه‌ ، وتی چونکه‌ له‌ مانای فڕینم که‌م ده‌کاته‌وه‌ ، ئێمه‌ جوانترین هونه‌رمه‌نده‌کانی گه‌ردونین ، ئه‌شق ئه‌و ساته‌ ده‌ست پێده‌کات  که‌ ده‌فڕین  ئه‌و له‌حزه‌یه‌ش ده‌مرێت که‌ تیرێک له‌ که‌واندا ڕه‌ها ده‌بێت ، ئاخ ئازیزم ئێمه‌ چه‌نده‌ به‌هره‌ماندین له‌ باوه‌ش کردنه‌وه‌ بۆ تیر ، دڵی ئێمه‌ مه‌غزه‌نی تیره‌ میهره‌بانه‌کانی یه‌کتره‌ ،  وه‌ره‌ پێکه‌وه‌ قاوه‌یه‌ک بخۆینه‌وه‌ ، خۆ ئیدی ڕۆژگاری پژانی زمانی برینه‌کانه‌ ، سێداره‌م بۆ هه‌ڵخه‌م با وه‌ک و یه‌سوع له‌ نێوان ئه‌رزو ئاسماندا بمرم ، چه‌نکه‌ ئێمه‌ نه‌فره‌تی  جودایی ئه‌وانین بۆ یه‌کتر ، سێداره‌م بۆ هه‌ڵخه‌ن به‌ له‌ هه‌وایا یه‌ک ده‌قه‌ به‌ر له‌وه‌ی بمرم هه‌ست بکه‌م ئه‌شق ڕه‌وابوو ئێمه‌ ناڕه‌وا لێی ده‌رچوین ، ئه‌م زامانه‌ به‌ جه‌سته‌ی منه‌وه‌ چه‌نده‌ جوانن ئه‌ڵێی ئه‌و کاته‌یه‌ به‌ هه‌موو ‌هێزی خۆت نه‌فره‌تت لێکردم ،
 من غه‌ریب نیم وه‌لێ سه‌فه‌رێکم له‌ پێشه‌
 من ته‌نها نیم به‌ڵام جودایم له‌ پێشه‌
 من عاشق نیم ئه‌مما برینم له‌ پێشه‌
 تۆ جه‌لاد نیت بۆ هێنده‌ به‌یانی ئه‌ترسێنیت ؟
 تۆ جه‌هه‌نه‌م نیت بۆ دێر به‌ دێڕی جوانی ئه‌سوتێنیت ؟
 تۆ پێغه‌مبه‌ر نیت ماڵی ئه‌م سه‌نه‌مه‌ ئه‌وینداره‌ بۆ ده‌ڕخێنیت ؟
 که‌سێک به‌ شه‌رمه‌وه‌ بۆی نوسیم تۆ ئیتر ناتوانیت بنوسیت چونکه‌ ئاسه‌واری دڵی تۆ له‌سه‌ر سنگی ده‌ریا دیار نیه‌ ! وتم ئازیزیم
 جێپێکانی خه‌یاڵی ئێمه‌ وه‌ک و ئه‌ستێره‌ له‌ ڕوخسرای یه‌کتردا خه‌مبارن ، من ئه‌گه‌ر چی هاوارم ناگات به‌ که‌س به‌ڵام مانای ئه‌وه‌ نیه‌ که‌ تۆ به‌خته‌وه‌ر بیت ، نوسین ده‌رباره‌ی ئه‌شق ڕێگایه‌کت لێده‌کاته‌وه‌ ئیدی سه‌دان رێگات به‌سه‌ردا کوێر ده‌کاته‌وه‌ ، که‌سێک له‌ دڵی خۆیدا وتی بیرت ده‌کام من ئه‌مه‌م به‌ دانگێکی به‌رز گوێلێبوو ، من به‌ هه‌موو هێزی خۆم هاوارم کرد بیرت ده‌که‌م ئه‌سڵه‌ن خۆمم نه‌ژنه‌فت،  سه‌دان جار رێگای مه‌ڵی ئێوه‌م گرتۆته‌ به‌ر سه‌رم له‌و سه‌ری ته‌نهای ده‌ر هێناوه‌ ، ناا من ماڵی تۆم له‌ خه‌یاڵی خۆمدا ڕه‌سم کردبوو  هه‌ر بۆیه‌ که‌وتمه‌ سه‌ر مه‌حاڵ ، بۆ ماڵی ئێوه‌ له‌ ته‌نهایدا جێگیر نیه‌ ؟
 زۆر ئه‌ترسم ڕۆژێک پڕ به‌ گه‌روت هاوار بکه‌یت بیرت ده‌که‌م ئاخر من نات بیستم  ، خه‌مباری ئه‌وه‌م ڕۆژێک له‌ دڵی خۆمدا بڵێم خۆشمه‌ویێت ئه‌ترسم گوێت لێبێت .
 
 re_ismail@livl.com
 
 
 

Previous
Next

Leave a Reply