Skip to Content

Friday, October 23rd, 2020

له‌ ساڵانی حه‌فتاكاندا … كارزان ڕه‌حمان

Be First!
by December 11, 2012 ئەدەب

 

 

 

كور, بيره‌وه‌ری, په‌نجه‌ره‌

له‌ به‌شی بیناسازيی بوو،

ئێواران، ده‌چووه‌ (سه‌نابل) ویسكی و بیره‌ی‌ ده‌خوارده‌وه‌!

[من ده‌موێ هێندێك ڕسته‌ دروست بكه‌م

له‌ نووسراوی سه‌ر بتڵه‌شه‌رابه‌كان بچن.]

له‌ بن دووكه‌ڵى سیگاره‌كان:

شه‌مه‌نده‌فه‌ره‌كه‌ی هه‌ولێر له‌ فیلمه‌ ڕه‌ش و سپییه‌كاندا…

له‌ شووشه‌بیره‌یه‌كی (فه‌ريده) شێوه‌ى خۆى ده‌بینێ:

با‌زنه‌یه‌ك, ئه‌وه‌نده‌, ی, ناوقه‌د, ى, به, قایش, دروست بكا،

خواردنی ئێواره‌, بخاته‌ ناویه‌وه.‌

[ئه‌ندام‌ وه‌كوو ئه‌م زمانه‌یه ‌

وا خه‌ریكه‌ ده‌مرێ.]

كه‌ باران ده‌باری، ده‌چووه‌ ده‌ره‌وه‌ و

خۆی به‌ هه‌ڵمی پاقله‌ی سه‌ر عاره‌بانه‌کان گه‌رم ده‌كرده‌وه‌!

***

له‌وديو په‌نجه‌ره‌وه‌

موعتاده‌كانی به‌سه‌ر ماتۆره‌كانه‌وه‌ ده‌بينی

سه‌رخۆشه‌ پيره‌كانيش به‌ده‌م خواردنی گۆشتی برژاوه‌وه‌.

كۆتربازه‌كان، كرێكاره‌ ئێرانييه‌كان،

كوره‌ چه‌قۆكێشه‌كان…

ئه‌مانه‌ بۆ ئه‌و گوڵ و گوڵزار بوون!

له‌وديو په‌نجه‌ره‌وه‌

موعتاده‌كان به‌ سه‌ر

سه‌رخۆشه‌ پيره‌كان به‌ ده‌م

كۆتربازه‌كان به‌ چه‌قۆ

گوڵ و گوڵزار بوون!

به‌ڵام ئێستا

ڕووناكی به‌ر په‌نجه‌ره‌ى گرتووه‌!

 

 

Previous
Next

Leave a Reply