لەجیاتی جەژنەپیرۆزە بۆ کوردانی رۆژئاوا

ئێوە ئێمەن

ئێمەش ئێوەین

رەوتان

لەم گوند بۆ ئەو گوند

لەم باژێڕ بۆ ئەو باژێڕ

دەستەخوشکی 

رەوی یەك ملیۆنی

باشوری کوردستانە.

قەتڵوعامتان

دەستەخوشکی خێڵی حەمەو

رەشەکوژی ( دەرسیم ) ه.*

 کیمیابارانتان

دەستەخوشکی، هەڵەبشیماو

سەردەشتەکەی زەردەشتە. 

بەغەنیمەبردنی ژنانی( تەل عەران و تەل حاسڵ ) و*

بێسەروشوێنکردنی دەستەجەمعی.

دەستەخوشکی ئەنفالی

گەرمیان و بارزانە

خەمتان .. ئا

خەممان ..

تا خوا هەست بکات گرانە.

……………………….

 * کۆمەڵکوژییەکە مێژووەکەی دەگەڕێتەوە بۆ ساڵی ١٩٣٧- ١٩٣٩ 

تورکیا ئەنجامیدا بووە هۆی شەهیدکردنی سیانزە هەزار لەهاوڵاتیانی ناوچەی دەرسیم کە ئەمڕٶ پێیدەوترێت ( پارێزگای تونجەلی ).

 ** دوو شارۆچکەی سەر بە حەڵەبن.

                                                            فەتاح حەسەن

                                                          دانیمارك/ ڤالبی