Skip to Content

Tuesday, May 24th, 2022

بۆ ئه‌و كچه‌ی به‌ ده‌نگی ئاسوده‌م

Closed
by October 31, 2010 ئەدەب

نامه‌ی سێیه‌م

                   ده‌زانی بۆ
                     مۆبایله‌كه‌مم  خۆشده‌وێ‌
                         چونكه‌ كاتێ‌ جه‌سته‌م ده‌نوێ‌
                              ئه‌و له‌گه‌ڵ هۆشم له‌لاته‌
                                   ئیشكگری زه‌نگ و
                                       هاتنی نامه‌كانته‌
                                    * * *
له‌م وڵاته‌ ته‌زیوه‌دا
له‌ پرچه‌ قه‌ترانیه‌كه‌تم بئاڵێنه‌ و
به‌ هاناسه‌ گه‌رمه‌كه‌ت دامپۆشه‌
ئێره‌ هه‌مو شتێكی رچیوه‌
ته‌نها ئامێزی تۆ خامۆشه‌
      * * *
له‌وه‌ته‌ی تۆم ناسیوه‌
رێی مه‌یخانه‌م ونكردوه‌
بێدارم بێهۆش و هه‌ستم
چونكه‌ رۆزانه‌
به‌و ده‌نگه‌ خۆشه‌ی تۆ مه‌ستم
* * *
له‌ ستۆدیۆی هۆشمدا
ده‌نگی تۆم هه‌ڵگرتوه‌
تێكستی نامه‌كانیشت
له‌ گلێنه‌ی چاوه‌كانمدا پاراستوه‌
***

 

Previous
Next