Skip to Content

Tuesday, March 19th, 2024
ئەگەر مانگ دیار نەبو لەچى بو وەڕین

ئەگەر مانگ دیار نەبو لەچى بو وەڕین

Closed
by May 4, 2008 گشتی

هەموڕەخنەگرێک دڵسۆزى نیشتمان نییەوهەموبەرپرسێکیش مانگەشەونییە ….
پێشڕەو حەمید……

هیچ مرۆڤێک دوژمونى نیشتمانى خۆى نییە و هیچ کوردێکیش ڕقى لەکوردستان نییەو  هەڕۆژنامەنوسێکیش خاوەنى خۆى بێت و ئازادو بێلایەنانە بنوسێت ئەوە سەگ نییە تا لە مانگەشەو بوە ڕێت .
 ئەفلاتۆن جارێک وەهاى گوت کە هیچ عەشقێک گەورەتر لە عەشقى وڵات نییە و ئەوانەى کەڕەخنە دەگرن گەر هیچ نەبێ تۆزێ عەشقى وڵاتیان لەدڵدایە و منیش هاوڕادەبم لەگەڵیداو لەمەیاندا هیچ ڕەخنەیەکم نییە ، ئەوەندەنەبێ دەڵێم ئەوانەى ڕەخنەدەگرن بەئاراستەى باشترکردن لەهەموکەس عاشقترن و خۆشەویستى وڵات لەدڵیاندا وەک خۆێن دێت و دەجێت و  ڕەخنەگران لە ئێستادا دەزانن کە عیشق و خۆشەویستى بۆ وڵاتەکەیان  لە چ مەرگەسات و فەوزایەکدایە هەربۆیە ئاگر لە فیکر و ئەندێشەیان بەردەبێ و بە هەر چوارلادا دەنوسن و ئەوەى لە ناخیاندایە هەڵى دەڕێژن و ئیدى بەلایانەوە گرنگ نییە ئەگەر بەسەگیش پێناسە بکرێن .
 جەنابى سەرۆک بەرێزتان کە لەسەرەوە دانیشتن و خوارى خۆتان نابینن و لەنێو غەم و غەفەتى ئەم میللەتەدا ناژین و ڕۆژانە ئاگادارنیین کە چى بە میللەت دەکرێت ، ئیدى چۆن گوناهى وەها دەکەى ئەوانەى ڕەخنە دەگرن بەسەگ ناو زەندیان دەکەى  ؟ جەنابى سەرۆک ڕاستە مانگە شەو لەبن دەستى ئاسماندایە و سەگ چەند پێ بو وەڕێت سودى نییە و ئەو جوانتر خۆى نیشان ئەدات و هەڵنایەت لەترسى وەرینى سەگ ،’ بەهەمان نشیوەش ( مانگ )   لەنیو شیعر شاعیراندا وێنەیەکى نەمرى هەیەو هەمیشە بەجوانى وەدەردەکەوێت نە ( سەگ ) و نە ( ڕەخنەگراو نە ڕۆژنامەنوسى ڕەخنەگر ) یش  نەک لێى ناوەڕن بەڵکو دڵیشیان نایە بە چاوى خەواڵویشەوە لى بڕوانن ؟ چونکە زۆرسەگى عاشق و ڕۆژنامەنوسى عاشق و ڕەخنەگرى عاشق هەن جوانى مانگ لە ڕوخسارى خۆشەویستەکانیاندا دەبیننەوە و بەباڵاى مانگدا گۆرانى دەڵێن و  هتد ، بەڵام جەنابى سەرۆک کۆمارى عێراقى فیدراڵ ، تۆ دەزانى تائێستاش دواى تەمەنێک لەئازادى کوردستان لەبن دەستى بەعسیى یەکان چەند هەزار خێزانى هەژار هەیەو چەند هازار منداڵ هەیە بێ لانەو بێجیگان و چەند هەزار گەنجى ئەم وڵاتەش هەیە دینارێک لە گیرفانیاندا نییە و چەند هەزار بێوەژنیش لەجەستەى ئەم کۆمەڵگایەدا موحتاجى پارویەک نانن ؟.
 جەنابى سەرۆک ئەى دەزانى چەند بەرپرسى نابەرپرس هەیە   تائیستاش  وەک مافیا هەڵسو کەوت دەکەن بەئارەزوى خۆیان خەڵکى هەژاردەکەن و خۆیان و منداڵ و خێزانەکانیان تێردەکەن لەسەر حسابى خەڵکى کەم دەرامى  ئەم نیشتمانە ؟ جەنابى سەرۆک لەسایەى بەرێزاتاندا زۆرن ئەو کەسانەى دەوڵەمەند بون و هەرشەش مانگ جارێک جوانترین ئۆتۆمبیل دەگۆڕن و خانۆکانیان نوێ دەکەنەوەو و زۆریشیان ژنەکانیان دەکەن بە دوان و سیان وچوارو ………هتد.
جەنابى سەرۆک کۆمار  ئەوەى زمانىگرت و قسەى کردو ڕەخنەیەکى جدى گرت ماناى ئەوەنییە دوژمونى خەڵک و نیشتمانى هەمومان کوردستان بێت ، بەڵکو ئەوە ئەو پەرى نیشانەى دڵسۆزى یەتى بۆ خەڵک و ئەزمونى کوردستانیش و ئەوەش دەزانم کە مەرج نییە ئەوەى ڕەخنەبگرێت دڵسۆزبێت و زۆرن ئەو کەسانەى  ( سایت ) ەکانیان کردو وەتە سەنگەرو دوژمونایەتى ئێوەو ئێمەو ئەزمونەکەیشمان دەکەن و وەک ئەوەى ڕاگەیاندنى حیزبەکان ناویان لێناوە ( ژەهر ڕشتن ) هەرلەو ژەهرە دەچێت کەباسى دەکەن و ئەو نوسینانە دورن لە ڕەخنەى جدیى و بونات نەرانەوە جگەلە قسەیەکى بازاڕیى و دور لە ئەدەبیاتى نویسن هیچى تر نین ، بەڵام ئەوە ناگاتەوە ئەوەى کە هەرکەسێک ڕاستى یەکى درکاند ئێوە پێتان هەزم نەکرێت بە ( وەڕینى سەگێک لە مانگە شەو ) پێناسەى بدەنێ .
 بەرێز فەخامەتى سەرۆک کۆمار : ئەگەر ڕەخنەگران قسە  لەسەردیاردەناشرینەکان نەکەن و باسى  گەندەڵى و پێشێل کردنى یاساکان و…هتد ، نەکەن کە ئێوە نایبینن ئەو کات لاى بەرێزتان دونیا و کوردستانیش هەرماستى مەیوەو پشتى چاوى کەس برۆى پێوەنییە و هەمو خەڵکى لەوپەرى خۆشنودیدا دەژێن و کەس بەکەس نییەو هەمومان لەبازنەیەکى بۆشدا خولدەخوێن و خۆڵ دەکەینە چاوى ئەزمونەکەمان و وێنەیکى بێمانا لە ڕابردو و ئێستاو ئاینەدەمان نیشانى دۆست و دوژمونى ئەم نیشتمانە ئەدەین و هەرگیز پێش ناکەوین .
جەنابى سەرۆک دواجار من لێرەو ڕاستەو خۆ دەڵێم تائێستاش بەدەیان خێزانن هەیە لە سەر کۆکردنەوەى قوتوى (  بیرە و بیبسى )  دەژین و تەنى بە ( حەوت هەزار دینار ) دەفرۆشنن و نرخى ماندو بونى یەک هەفتەى ئەو منداڵ و گەنجانە لەکۆکۆدنەوەى ئەو قوتوانەدا تەنها بەهاى  بۆیاغ کردنى یەک جارى جوتتێک پێڵاوى کۆلکە مەسئولێکە ، کەچى هێشتا خەڵکى هەژارى ئەم نیشتمانە هەر بەو بەشەش شوکرانەدەکەنو چاوەڕوانى ئەوە لەکەس ناکەن کە ژیانیان دابین بکات و لەو میحنەتە ڕزگاریان بکات و ناڕۆنە بەردەرگاى هیچ ماڵە بەرپرسێک بۆ لەتێَک نانەن و بە عارەقەى ناوچاوانیان نانى ڕۆژانەى خۆیان پەیدا دەکەن و نایەنەسەرشەقامەکان و جامە تاریکەکانى ئۆتۆمبیلە ئاخر مۆدیلەکانى ئەو بەرپرسانە ناشکێنن کە لەسایەى سیاسەت کردندا بو نەتەسەرمایە دارێکى دڕو برسى و  ئەوەى کەتائێستا وەک ڕەخنە دەگیرێت تەنها قسەکردن بوە لەسەر سیاسەت کردنتان و گەندەڵچى و دزى کردنى چەندین بەرپرسى نابەرپرس ، بەڵام ئیدى کاتى ئەوە هاتوە کە لەسەر ژیانى خەڵکى هەژارى ئەم نیشتمانە ڕەخنەکان ئاراستە بکرێن و ئێوەش ئەوەتان پێخۆشە کە باسى ئاداى سیاسەت کردنتان نەکرێت ، من ناڵێم بەرێزتان لەسیاسەت کردندا پڕن لە خەوش و ناشلێم وەک میکاڤیلى لەسایەت دەڕوانن و سەد دەرسەد ئەوەى ئێوە بەناوى سایسەت دەیکەن دروستە ، بەڵام هێندە نەبێت دەڵێم ، کوردستان موڵکى هەمو مانەو ئەرکى هەمومانە بە هەمو چین و توێژە جیاوازەکانەوە بەرگرى لێبکەین و پێشى بخەین نەک کار مان تەنها ئەوەبێت  داهاتى ئەم نیشتمانە تەنها بۆچەند کەسێک بێت و میللەتێکیش لە هەژاریدا بەجێ بهێڵین و ئێوەش وەک پیاوەگەورەکانى ئەم نیشتمانە  ئەرکتانە چارەسەرى کەم و کوڕیى یەکان بکەن و     تەواوى خەڵکى کوردستان لەهەژارى و نەدارى ڕزگار بکەن و یاساکان وەک خۆى بۆهەموکەسێک بێت  و هەمومان لەبەردەم یاساکاندا یەکسان بین ، ئەگەر نا تاچارەسەرکردنى کێشەکانى خەڵک نەرکێت و   گەندڵى لەگۆڕنەنرێت و یاساکان بەسەر هەمو کەسێکدا هەر لە منداڵێکەوە تا سەرکردەیەک جێ بەجێ نەکرێت ئەوا ئەم وڵاتە پڕدەبێت لەسەگ و ئەگەر (  مانگ ) دیار نەبێت ئەو کات لە ( هەور ) ەکان دەوەڕن .   

Previous
Next
This site is registered on wpml.org as a development site.