Skip to Content

Thursday, February 22nd, 2024
سەرنجێك سەبارەت بە دوواهەمین پڕۆژەى تیشك….به‌هار قادر

سەرنجێك سەبارەت بە دوواهەمین پڕۆژەى تیشك….به‌هار قادر

Closed
by December 4, 2008 گشتی

            سەرنجێك سەبارەت بە دوواهەمین پڕۆژەى تیشك
            
                                                           
 چل هەمین پڕۆژەى تیشك كەكتێبى " ئەلفبىَ ى لاتینى …. زمانى ستاندارد"ە، لەدووتوێى 473 لاپەڕەدا بڵاوكرایەوە،بەبەشداربونى كۆمەڵێك نوسەرو پسپۆڕٍى زمانەوانى كوردى. بەپێویستى دەزانم سەبارەت بەو كتێبە ئەم ڕوونكردنەوەیە بدەمە خوێنەرانى وەك ئامادەكارێكى كۆشش خوراو. دوو سالأ لەمەوبەر" تۆفێق كەریم" وەك یەكێك لەئەندامانى پڕۆژەى تیشك پەیوەندى پێوە كردم، پێشنیارى دانیشتنێكى كرد بۆ بەرهەمهێنانى یەكێك لەپڕۆژەكانى تیشك لە بابەت ئەلف وبێى لاتینیەوە، بەحكومى ئەوەى جگەلەوەى بۆ ماوەى چەند ساڵێكە نوسینى  جۆراو جۆرم هەیە،دەرچوى كۆلێژى زمان بەشى كوردیم . ئەوە بوو لەشەشى نۆڤەمبەرى 2006 یەكەم دانیشتنم لەگەڵ "تۆفیق كەریم" و"ڕەوشت محەمەد" دا كرد، لەو كۆبونەوەیەدا دواى ئەوەى من و ڕەوشت محەمەد ڕازى بووین بە پڕۆژەكە،بڕیارماندا هەردووكمان وەك ئامادەكارى پڕۆژەكە دەست بەكاربین.وەئاماژەشماندا بەئامادەكردنى چەند پرسیارێك وچەند كەسێكى بەشداربوى دیدارەكانى ناوكتێبەكە. ئەوەتا ڕەوشت محەمەد لەسەرەتاى كتێبەكەدا نوسیویەتى" بەهار قادر یەكەم هەنگاوى ڕێگاى دەست پىً كردنى ئەم كتێبەى لەگەلً هەڵگرتم". دیسان لەپێشەكى كتێبەكەدا ئاماژە بەوە كراوە بۆ پیادەكردنى بیرۆكەى كتیبەكە ڕویان لە" ڕەوشت محەمەد وبەهار قادر" ناوە، ئەوانیش پاش وتوێژو ڕا گۆرینەوە ، بەخۆشحاڵیەوە داواكارییەكەیان لەئەستۆ گرتووە . ئەم دوو وتە زایە بەڵگەى دروست ولەبەر دەستن كە من هەرلەسەرەتاى پڕۆژەكەوە وەك ئامادەكار ئامادەیم هەبووە. لەدانیشتنى دووەمدا پرسیارەكانمان ئامادەكرد، دواى خوێندنەوەیان پرسیارەكانى من و ڕەوشت محەمەد یەكخران. وەك لەكتێبەكەشدا دەردەكەوێت بەلایەنى كەمەوە دوو لەسەر سىَ ى ئەو پرسیارانەى ئاڕاستەى بەشداربووەكان كراوە پرسیارە ئامادەكراوەكانى منن. گەر پێویستیش بكات لە نوسینى داهاتومدا ئیشارەت بەسەرجەمى پرسیارەكان دەكەم. لەدانیشتنى داهاتووتردا كەدیسان بەئامادەبونى من وڕەوشت محەمەدو تۆفیق كەریم بوو. دواى هەندىَ وتووێژ بڕیاردرا كتێبەكە بكەینە دوو بەش تیۆرى و پراكتیكى، بەشى تیۆرییەكەى من لەئەستۆى بگرم، بەشى پراكتیكیەكەى كەسازدانى دیدارەكانە ڕەوشت محەمەد پىََ ى هەستىَ.پەیوەست بووم بەم بڕیارە بەشى تیۆریەكەم ئامادەكرد، تائەوكاتە پرسیارەكان بۆ هەندىَ لە بەشداربوانى دیدارەكان بەئیمەیڵ یان ڕاستەوخۆ نێردرابوون. بەم شێوەیە كەسانى بەشداربوو لەوژمارەیەى  سەرەتا دامان نابوون زیاتر بوو، هەربۆیە پڕۆژەكە لەوماوەیەى ویسترا بڵاوبێتەوە زیاتر درێژەى كێشا. یەكەم دیدار كەوەڵامەكانیمان پىَ گەیشت دیدارەكەى دكتۆر مارف خەزنەدار بوو، یەكێك بوو لەوبەشداربوانەى داواى كردبوو ڕێنوسى نوسینەكەى بآ دەسكارى وەك خۆى بڵاوبكرێتەوە.ئەوە بوو پاكنوسم كرد.پڕۆژەكە وردە وردە بەردەوام بوو،  بەلایەنى كەمەوە حەوت تا هەشت دانیشتنمان كرد بۆ زانینى گۆڕانكارییەكانى پڕۆژەكەوگفتوگۆكردن لەسەرى،لەسەرجەمیاندا من ڕەوشت محەمەد وەك ئامادەكارو تۆفیق كەریم وەك نوێنەرى تیشك ئامادەبوین،جگە لەدانیشتنێكیان ئیدریس سیوەیلى وەك بەرپرسى دارایى كتێبەكە ئامادەبوو.ئیدى لەوكاتەى پڕۆژەكە بەرەوكۆتایى دەڕۆیشت لەمانگى مەى 2008 ڕەوشت محەمەد پەیوەندى پێوە كردم كەدانیشتنمان هەیە. چووم تەنها تۆفیق كەریم ئامادە بوو بىَ حزورى ڕەوشت محەمەد، تۆفیق كەریم پێشنیارى ئەوەى كرد ئەوەى من وەك بەشى تێۆرى كتێبەكە نوسیومە ببێتە بەشێكى كتێبەكە(نەمدەزانى مەبەستى ئەمە دوور خستنەوەمە لە ئامادەكارى كتێبەكە). دواى دانیشتنەكە پەیوەندیم بەڕەوشت محەمەدەوە كرد، بەحوكمى ئەوەى هەردوكمان ئامادەكارى كتێبەكەبووین،كە دەبوو خوَشمان بڕیاردەرى بوینایە نەك كەسێكى دەرەوەى ئێمە،هەر سەرەتاى دەست پێكردنمان بەم پڕوَژەیەوە یەكێك لەو خاڵانەى من بەهەندم وەرگرت و باسمكرد ئەوەبوو دەبىَ خوَمان بڕیاردەربین لە بەڕێكردنى كارەكان و چۆنیەتى نوسین و ئامادەكردنى ئەم كتێبە بىَ هیچ سانسۆرێك،توَفیق كریم وەك تیشك قبوڵى بوو،بەڵام ئەفسوس وەك هەر وەعدو پەیمانێكى ئەم وڵاتە چووە ژێر نەشتەرەوە،لە وتەكانى ڕەوشت محەمەد دا وادەركەوت هۆى بەشدار نەبوونى ئەوە بووە، وەك هەست كردن بەمافى نوسەرایەتى ڕازى نەبووە بە دەرچونى من وەك ئامادەكار، ئەوكات بەڕوونى لە مەبەستى دانیشتنەكەم لەگەڵ تۆفیق كریم گەیشتم،كە بۆچى نوسینەكەم كە وەك بەشى تیۆرى ئامادەم كردووە دەیەوىَ ببێتە بەشێكى سەربەخۆى كتێبەكە.هەرگیز بە بیرمدا نەدەهات منێك لەسەرەتای دەستپێكردنى پڕۆژەكەوە دەست بەكاربووم هەرلەئامادەكردنى پرسیارو سەرچاوەو پاكنوس كردنى دیداریش ئاوا پاداشت بدرێمەوە،  وەڕەوشت محەمەد وتى (من لەڕووى دەروونیشەوە ئاسودەنیم بە پێشنیارەكەى تۆفیق كەریم كە بەهار قادر وەك ئامادەكار لەپڕۆژەكە دەرچىَ). ڕەوشت محەمەد بڕواى وابوو ئەوە مافێكى منە وەك بەهار قادر زەوت دەكرێت . كە مەبەستى دانیشتنەكە بە تەواوى تێگەیشتم بە  ڕەوشت محەمەد ئیشارەتم دا ئەگەر وەك بەش نوسینەكەم داببەزىَ ئەوا پاشەكشە بەنوسینەكەم دەكەم.ئەم بڕیارە لاى من قەتعى بوو. لەیەكىًَ لەوخاڵانەى تر كە ئاماژەم پێدا لەگەڵ ڕەوشت محمەد، نوسینەكەم وەك بەشى تیۆرى كتێبەكە ئامادەكردووە،ناكرىَ وەك بەشێكى سەربەخۆ بێت،لەبەرئەوەى ڕاى خودى خۆمى تێدا ونە،ئەمەش هۆكارەكەى ئەوە بوو ئێمە لەیەكەم دانیشتنى پڕۆژەكەدا بڕیارمان لەبىَ لایەنى ئامادەكاران دابوو، پێمان وابوو ئەوەندەى مەبەستمانە ڕاى بەشداربووەكان دەرخەین هێندە مەبەستمان دەرخستنى ڕاى تیشك نیە،كە ئەم كتێبە یەكێكە لەپڕۆژەكانى تیشك. ئەوەتا فەرهاد شاكەلى لەپاشگوتارى كتێبەكەدا لەلاپەڕە396دا نوسیویەتى" بەهارقادر لەلێكۆڵینەوەكەیدا هەوڵى داوە لەگۆشەنیگایەكى بىَ لایەنانەوە تەماشاى هەردوو ئەلفوبىَ یەكە بكات ولایەنە چاك وخراپەكانیان ڕوون بكاتەوە….. تاد" ئەمە هۆكارى بىَ لایەنى من بوو لەنوسینەكەمدا.
 دوواى ئەم گفتوگۆیە هیچ وەڵامێك بە من نەدرایەوە.بڕوام وابوو ئەم بێدەنگیە بوَئەوە دەگەڕێتەوە پڕۆژەكە وەستێنراوە.بۆیە منیش لێى بێدەنگ بووم.. ئەوەى جێگەى سەرسوڕمانم بوو ئەوە بوو لەم ڕۆژانەدا كتێبەكەم بینى بلاوكرابۆوە بىَ ئاگاداربونم و ڕەچاوكردنى ماندوێتى و مافى نوسەرێتیم وەك ئامادەكار.منیش وەك ماف خوراوێك بەپێویستى دەزانم بۆ مێژوو وە سەرجەم خوێنەرانى كتێبەكە ئەوە ڕوونبكەمەوە منیش وەك ڕەوشت محەمەد مافى ئامادەكارى كتێبەكەم هەیە، بەنەبوونم لەوێدا زەوتكردنێكى ئاشكراوڕونى مافمەو بەهەمان شێوە پێشێاكردنى هەموو  وبەها ئیتیكیەكانى بوارى راگەیاندن ورێساكانى بڵاو كردنەوەیە.
 
  بەهار قادر
 

Previous
Next
This site is registered on wpml.org as a development site.