Skip to Content

Thursday, March 28th, 2024
کلێـشه  ……..ئیبراهیم حه‌یده‌ری

کلێـشه ……..ئیبراهیم حه‌یده‌ری

Closed
by April 7, 2009 ئەدەب

         کلێـشه                                         
ئیبراهیم حه‌یده‌ری
           
شه‌و
                                                                                          
بۆنی ئه‌شق، بۆنی ژوانی لێ ده‌هات.
بۆنی عه‌تری گوڵه‌ یاسی، دراوسێکه‌مانی لێ ده‌هات.
له‌ ژێر تارای سپی مانگه‌ شه‌وا
ژوانگه‌یه‌ک
بۆنی نیاز و خوشه‌ویستی، لێ ده‌هات.

              **********
شه‌و
که‌نیزه‌ پیره‌ژنێکی ده‌م قورس بوو
که‌ مه‌ترسی
له‌ ژوانی ئه‌مشه‌و ئه‌کرد.
شه‌و
وه‌کو، کاروانێکی تاڵان کراو
ده‌سته‌ و ئه‌ژنۆ، وڕ و سارد
چاوه‌ڕوانی هاتنی
گه‌رد و تۆزی ئه‌سپی به‌ر به‌یانی ئه‌کرد.

              **********
با
کوڵه‌ فیتنه‌ی، ده‌رپێ هه‌ڵکراوی هه‌زار زوان
ڕازی ژوانگه‌که‌ی درکان!
کولتوور و ته‌عه‌سوبێکی کوێرانه‌
بوو به‌ خه‌نجه‌ری به‌ر پشتوێن و
چه‌قۆیه‌کی سه‌ی ئه‌ڵماس
له‌به‌ر
سووکایه‌تی عه‌شیره‌تێک.
بوو به‌ مه‌رگی ئه‌شق
مه‌رگی ئاوات
مه‌رگی کچێکی بێ تاوان، بێ ده‌سه‌لات!

              **********

مه‌رگ
دیالۆگ و کلێشه‌یه
بۆ سوکنایی رق و قینێک!
تاوان خوشه‌ویستی
به‌ خوێن ئه‌شۆنه‌وه‌!!

              **********
رۆژ
بۆنی خوێن
        بۆنی مه‌رگ
              بۆنی حه‌سره‌تی، لێ ده‌هات.

                                                                    2005
ibarahimhaidari@yahoo.com

Previous
Next
This site is registered on wpml.org as a development site.