Skip to Content

Wednesday, July 6th, 2022

كورته‌ی ژیاننامه‌ی به‌ڕێز كه‌مال میراوده‌لی

Closed
by June 25, 2009 گشتی

 

لیژنه‌ی راگه‌یاندنی كاندیدی سه‌رۆكایه‌تی هه‌رێمی كوردستان
دكتۆر كه‌مال میراوده‌لی                       كاندیدی ژماره‌ 15
راگه‌یه‌ندراوی دووه‌م

كورته‌ی ژیاننامه‌ی به‌ڕێز كه‌مال میراوده‌لی

• سالی 1951 له‌ گۆندی مه‌رگه‌ له‌ دایك بووه‌. سه‌ره‌تایی هه‌ر له‌وێ ته‌واو كردووه‌.
• ناوه‌ندی و ئامه‌ده‌یی له‌ قه‌لادزه‌ ته‌واو كردووه‌. یه‌كه‌می لیوای سلیمانی بووه‌ له‌ به‌شی ئه‌ده‌بی.
• به‌شی ئینگلیزی له‌ زانكۆی به‌غدا له‌ سالی 1971 ته‌واو كردووه‌
•  بۆته‌ مامۆستای زمانی ئینگلیزی له‌ قۆتابخانه‌ی ئاماده‌یی له‌ ‌قه‌لادزه‌، ئه‌وسا له‌ ره‌به‌ت له‌ ئێران له‌ 1974- 1975. دوای گه‌رانه‌وه‌ دوای هه‌ره‌س دۆباره‌ له‌ قه‌لادزه‌و ئه‌وسا له‌ ئه‌زمر له‌ سلێمانی مامۆستا بووه‌.
• له‌ ساڵی 1979 به‌ سه‌رۆكی یه‌كێتی نووسه‌رانی كۆرد – لقی سلێمانی هه‌ڵبژێردراوه‌
• كتێبی ( فه‌لسه‌فه‌ی جوانی و هونه‌ر) ی له‌ ساڵی 1979 دا نووسیوه‌ بۆ دامه‌زراندنی به‌شی دیراساتی كوردی له‌ زانكۆی سلێمانی.
• له‌ ساڵی 1982 ماسته‌ری له‌ فه‌لسه‌فه‌ی مێژوو له‌ زانكۆی Essex  له‌ به‌ریتانیا وه‌رگرتووه‌. هه‌ر له‌و زانكۆیه‌ له‌ به‌شی ماسته‌ر ده‌رسی فه‌لسه‌فه‌و ره‌خنه‌ی ئه‌ده‌بی وتۆته‌وه‌.
• ساڵی 1987 دكتۆرای فه‌لسه‌فه‌ی  له‌ ئه‌ده‌بی ئینگلیزی، بابه‌تی رۆژهه‌ڵاتناسی ئه‌ورووپی وه‌رگرتووه‌.
• سالی 1992 ماسته‌رنامه‌ی زانستی له‌ ئابووری و زانستی سیاسیی- بابه‌تی پێوه‌ندی ده‌وڵه‌ت و ریكخراوه‌كانی كۆمهڵگه‌ی مه‌ده‌نی، له‌ زانكۆی له‌نده‌ن  هێناوه‌ 
• ساڵی  1992  هاوكار بوه‌ بۆ دامه‌زراندنی رێكخراوی  فریاگوزاری كوردی KLA بۆ دروستكرنه‌وه‌ی قۆتابخانه‌و خه‌سته‌خانه‌و پرۆژه‌ی ئاو له‌ ناوچه‌ی مه‌رگه‌و پشده‌ر و دوكان گه‌راوه‌ته‌وه‌ كوردستان.   دوای دروستبوونی شه‌ڕی ناوخۆو دوایی كشانه‌وه‌ی NGO كان له‌ كۆردستان دوای ئابی 1996، به‌ ناجاری وازی له‌م پرۆژه‌یه‌ هێناوه‌.
• له‌ ساڵی 1997 تا ئێستا  به‌ رێوه‌به‌ری  ده‌زگای پێشخستنی ریكخراوه‌كانی كۆمهڵگایی مه‌ده‌نی كه‌مایه‌تییه‌نه‌ته‌وه‌ییه‌كانه‌، له‌ له‌نده‌ن. و ساڵانه‌ به‌رنامه‌ی مه‌شق و راهێنان له‌ بواری پیشخستنی كۆمه‌لگایی، سه‌ركردایه‌تی، نه‌خشه‌ی ستراتیژی و به‌رێوه‌بردنی‌ دیمۆكراتی، هتد بۆ زیاتر له‌ 300 رێكخراو ده‌نووسێ. نامێلكه‌ نوسراوه‌كانی له‌م بواره‌دا بۆ 6 زمان ته‌رجه‌مه‌ كراون. له‌ هه‌مان كاتدا وانه‌ی زمانی ئینگلیزی و ته‌رجه‌مه‌ له‌ كۆلێژه‌كانی له‌نده‌ن دهڵێته‌وه‌و

• بۆ BBC  وه‌ك  وه‌رگێری سه‌ربه‌خۆ له‌ كردیی و عه‌ره‌بییه‌وه‌ بۆئینگلیزی كاری كردووه‌.
• ئه‌ندامی بۆردی به‌رێوه‌بردنی ئه‌نجومه‌نی كۆمهڵگای مه‌ده‌نی شاری له‌نده‌ن LVSC- ه‌.
• ئه‌ندامی ده‌سته‌ی راوێژكاری پارێزگاری{مه‌یه‌ری}  شاری له‌نده‌ن- ه‌ بۆ كاروباری په‌نابه‌ران.
• ئه‌ندامی بۆردی به‌رێوه‌بردنی چه‌ند رێكخراوێكی مه‌ده‌نی له‌نده‌ن– ه‌.
• وه‌ك نووسه‌ر یه‌كه‌م وتاری له‌ رۆژنامه‌ی  برایه‌تی له‌ ساڵی 1969 دا بلاو كردۆته‌وه دوایی بابه‌تی شیعرو ره‌خنه‌ی ئه‌ده‌بی نووسیوه‌.
• زیاتر له‌ 20 كتێبی به‌ زمانی كوردی و ئینگلیزی له‌ شیعرو ره‌خنه‌ی ئه‌ده‌بی و فه‌لسه‌فه‌و بابه‌تی سیاسیی و پێشكه‌وتنی كۆمهڵایه‌تیدا نووسیوه‌.
• یه‌كه‌م كه‌سه‌ كه‌ هه‌لبژارده‌ی شیعری  30 شاعیری كوردی كردووه‌ به‌ زمانی ئینگلیزی
• شه‌ش گۆڤارو رۆژنامه‌ی به‌ زمانی كوردی له‌ ده‌ره‌وه‌ی ولات دامه‌زراندوه‌.
• له‌ ساڵی 1984 یه‌كه‌م مانیفێستۆ (پرۆژه‌ی) بۆ دامه‌زراندنی كۆنگره‌ی نه‌ته‌وه‌یی كورد نووسیوه‌و بۆ هه‌موو سه‌رۆكه‌كانی كوری ناردووه‌.
• له‌ ساڵی 1985- 1990 سه‌رۆكی هه‌ڵبژێردراو  به‌رێوه‌به‌ری مهڵبه‌ندی رۆشنبیری كوردی بووه‌ له‌ له‌نده‌ن و رێبه‌ری هه‌موو كه‌مپه‌ین و چالاكییه‌كانی كردووه‌ بۆ مافی چاره‌نووس بۆ گه‌لی كوردستان.
•  ساڵی 1991 له‌ كاتی راپه‌رین و كۆچره‌وه‌كه‌  وه‌ك رێكخه‌ری لیژنه‌یه‌كی هاوبه‌شی به‌ره‌ی كۆردستانی له‌ له‌نده‌ن چالاكی كردوه‌ و ده‌یان نامه‌و یاداشتی بۆ جۆن مه‌یجه‌ر و په‌رله‌مه‌نی به‌ریتانیا و رێكخراوه‌كانی مافی مرۆڤ و نه‌ته‌وه‌ یه‌كگرتۆكان و كه‌سێتییه‌  سیاسیی  و روناكبیرییه‌كان نووسیوه‌ تا ناوچه‌ی ئاارامی كوردستان  له‌ لایه‌ن به‌ریتنایوه‌ برایردراوه‌.
• له‌ سالی  دا 1994 وه‌ ، وه‌ك كه‌سایه‌تیییكی سه‌ربه‌خۆ، له‌گه‌ل حیزب و‌ رێكخراو كه‌سایه‌تییه‌ كۆرستانییه‌كان كا‌ری كردووه‌ تا كۆنگره‌ی نه‌ته‌وه‌یی كۆردستان دروست بووه‌و له‌ ساڵی 1999دا راگه‌ێندراوه‌.
• دوای نه‌مانی سه‌ددام و دروستبوونی ریفراندۆم له‌ كۆردستان بزۆتنه‌وه‌ی ریفراندۆمی له‌ ئه‌ورۆپا دروست كردووه‌و له‌ زۆربه‌ی شاره‌كه‌نی به‌ریتانیا و ولاتانی ئه‌ورۆپی كۆرو سیمیناری بۆ ئه‌م مه‌به‌سته‌ به‌ستووه‌. كۆمیته‌یه‌كی جیهانی بۆ بره‌وپێدانی رێفراندۆم دروست كردووه‌و بێ وچان كاری كردووه‌ تا توانێتی به‌ پشتیوانی هاوڕێیانی له‌ ئه‌مریكا، له‌ 23/12/2004 دا  ئیمزاكانی رێفراندۆم بگه‌یه‌نێته‌ نه‌ته‌وه‌ یه‌كگرتۆكان بۆ یه‌كه‌م جار له‌ مێژوودا وه‌ك  نوێنه‌ری ئاواتی كۆرد بۆ سه‌ربه‌خۆییی به‌ ره‌سمی پێشوازییان لێبكرێ و وهڵامیان بدریته‌وه‌.و دوای ئه‌وه‌ بۆ هه‌مان مه‌به‌ست له‌ لایه‌ن وه‌زاره‌تی ده‌ره‌وه‌ی به‌ریتانیا پێشوازی لێكرا.
• ئه‌و یاداشته‌ی بۆ نه‌ته‌وه‌ یه‌كگرتۆكانی نارد و له‌ سایته‌كانی ئه‌مریكی و جیهانیدا دا بڵاو بۆوه‌ به‌ [مانیفێستۆی سه‌ربه‌خۆیی كۆردستان) وه‌سف كرا. تا ئێستا به‌ كۆردی بڵاو نه‌بۆته‌وه‌.
• له‌ ده‌یان كۆنفرانس و كۆبوونه‌وه‌ی جیهانی سیاسی و كۆلتوری و ئه‌كادیمی و چاوپێكه‌وتنی ته‌له‌فزیۆنی و رۆژنامه‌نوسی دا به‌شداری كردووه‌. به‌ سه‌دان باس  وتاری به‌ ئینگلیزی  له‌ سه‌ر مه‌سله‌ی كۆرد له‌ سایته‌ كۆردی و جیهانییه‌كا‌ن بلاو كردۆته‌وه‌. به‌ تاتیبه‌تی له‌ و  نووسینی ده‌یان  گه‌نجانی كوردیشی كردوون به‌ ئینگلیزی و بڵاوی كردوونه‌وه‌.

• له‌ حوزه‌یرانی 2009 دا خۆی بۆ سه‌رۆكایه‌تی هه‌رێمی كوردستان كاندید كردوه‌.

 

Previous
Next