Skip to Content

Monday, June 27th, 2022

یاده‌کانت …… باوکی دیار

Closed
by July 21, 2009 هۆنراوە

یاده‌کانت
کۆترێکی شین باوی یاخین
له‌ ئاسمانی تاراوگه‌دا
دێن وده‌‌ڕۆن
کاتێک زه‌مه‌ن
وه‌رزی به‌هاری برده‌وه‌
تارمایی… گوڵی داپۆشی
هه‌ر ته‌نها دڵ
له‌هه‌وارگه .. ماوه‌ته‌وه‌
ئه‌ویش له‌یادی زامی تۆ
له‌ته‌مه‌نی وه‌رزی خاکه‌
ده‌ڕوێته‌وه‌
ئه‌ی نازانیت
ئه‌و گوڵه‌ ئه‌رخه‌وانه‌ی
تارای شه‌وگار
پاسداری بوو
له‌یادی خۆی
ڕه‌ونه‌قی .. باخچه‌ی به‌هه‌شتی
پاشآیه‌ک بوو
ده‌ی وه‌ره‌وه‌ به‌ره‌وئه‌مرازی نهێنیم
دڵ و…خاک
له‌یه‌ک ڕه‌وه‌
ئیتر چۆن دڵ ، ده‌سته‌به‌ری یاده‌کانم
ئه‌بێته‌وه‌
خه‌ونی ڕۆژی یاده‌کان
به‌یاقوتی یادی جاران
ملوانکه‌یان هۆنیه‌وه‌
من ئاشنایی ڕۆحێکم
گۆڕینی….روومه‌ت و شێوه‌
یه‌خسیری وه‌رزێکه‌
له‌ده‌ست بازی یاده‌کانت
که‌ی دێته‌وه‌
کاتێ تۆم ویست
له‌ هیلانه‌ی په‌ڕه‌سیلکه‌
ژوری یادم کرده‌وه‌
له‌زریزه‌ی ئه‌ستێره‌کان
له‌ جریوه‌ی باڵنده‌کان
گۆرانیم بۆت هۆنیه‌وه‌
وا ئیستاکه‌
له‌ لق وپۆی ڕومه‌ت ودڵیکه‌
شه‌تڵی یادی ئه‌وینی تۆ
ده‌ڕوێته‌وه‌

 

Previous
Next