Skip to Content

Tuesday, January 25th, 2022

تۆزێك ڵاڵ بووم …. ئۆزدەمیر ئەسەف

Be First!
by January 13, 2014 ئەدەب

 

 

ئیتر بەرۆیشتنت دڵتەنگ نیم. 

ئیتر تەنانەت

جار بەجاریش 

بۆت ناگریم!.

 

لە هەموو ئەو شوێنانەی ناوی تۆ دەبینم

چاوم پڕ فرمێسك نابێ‌ .

تەنانەت  لە رۆژ ژمێری نەهاتنەكانیشت.

 

دوور كەوتومەتەوە

تۆزێك ماندوم

تۆزێك شكستم هێناوە.

تۆزێك ئیتر.

 

بێ‌ تۆیی وێرانی كردووم

ئیتر بیر لەوە ناكەمەوە باش ببمەوە.

ئەگەر كەسێكیش هەواڵم بپرسێت،

تەنها پێی دەڵێم:

( باشم).

بەڵام

تێكچووم.

 

لەبیركردنی تۆ

لانی كەم

هەزاران جار دێتە خەیاڵم و

ناشتوانم روخسارت بێنمەوە خەیاڵم.

ئەترسم!.

 

ئیتر چاوەڕوانی هاتنت نیم

تەنانەت

ئەگەر زۆر حەزیش بكەم بێیت. 

ئەوە رۆیشتم. 

ئیتر بۆم گرنگ نیە بزانم

حاڵ و ئەحواڵت چۆنە. 

 

هەندێكجار كە دێیتەوە خەیاڵم

بەخۆم دەڵێم:

جا بە من چی؟!

ئازار بۆ من بەسە. 

 

ئایا خووم گرتووە بە بێ‌ تۆییەوە؟. 

لە ناو خەیاڵی ( لەگەڵ تۆدا ) تێدەپەڕم.

شێواوم.

 

بڕوا بكە

ئەگەر عاشقی كەسێكی دیكەش بم.

لە ئەمڕۆ 

تاكۆتایی تەمەنم. 

تۆ نابەخشم!. 

 

 

                          ” ئەزدەمیر ئەسەف “

                            ” و: نەبەز گۆران ” 

 

 

 

Previous
Next

Leave a Reply