قەمبوور …. فه‌رهاد که‌ریم
قەمبوور*.
ولاتێک هەیە ناوی قەمبوور گانە، هاولاتیانی عەقل کورت و بێهووده‌ی کوێرن، ووتەیەکیان هەیە وەک چۆن باوه‌ڕداران بە بەرده‌وامیی دەلێن خوا کەریمە، ئەوان دەلێن (دەست بە قونتەوە بگرە بانەتگێن)، باوەریان بە سیستەمی لنگ هەڵبڕین و قووچکردنەوە هەیە، هەموو کاتێک پێشبرکێی سواربوون و دابەزینیان هەیە، قوونی ئەوان و شاپی سەرۆک ….. هاولاتی رێزدار دەبێت شلک و تەنک و ناوقەد باریک و نەرمونۆڵ بێ، خرینگە خرینگەی بێ .. ئەوانەی پلانی تۆکمەیان بۆ دواوە هەیە، ئەوا پلەیان لە سەری سەرەوەیە … ئەوانەی لە ستایش کارامەن دەبن بە مامۆستاو وانەی شووت تێهەڵدانی ولات و سواربوونی هاوولاتیان و خەنجەر و کالان دەڵێنه‌وە … ئەوانەی دەست و پێ سپین و ملکەچی قەمبوور لەنگ نین و لە زانستی ماستاوساردکردنەوە و مەسینە هەڵگرتن شارەزا نین ئەوە تا مردن لە دووریی نیشتمان دەبێ ئاخ هەلکێشن و بڵێن:
(شیوەن وە شیوەن لەیلی مەمانو
دین و دنیامی خوداش مەزانو)*
عەشق و گوڵ.
ئەوەی خەونی نەبێ، خەونیش نابینێ،سەری بێ خەونیش شایانی ژێر خاکیش نییه. لە رووداو ناگەن، عەقل کزن، هەموو شتێک دەبێ وەکو پیاز سپی بکرێ و فەرموو قاشێ گندۆرە، خرمە خرمی پاندۆرە. جاش پێشمەرگەیە و پێشمەرگە خۆخۆرە، وا تێیانگه‌یاندووین، ئه‌دیسۆن شوفێر تەلەنتۆرە، مارکس مەلای مزگەوتی سۆرە، بۆیە بە بەردەوامیی دەلێن:
(ئەمبەر ئەمبه‌ره ناسکێ دولبەرە
لەسەر ماچێکی شەرە خەنجەرە)*
با بە عیشق و گوڵه‌وە رێ لەخەنجەر بگرین و کەنگێ لە گەورەیی عیشق و لە جوانیی گوڵ گەیشتین چیتر شیرین تەشی نارێسێ و لە باغی عیشقدا گوڵ دابەش دەکا، بێ عیشقیش
(هەموو عومری خدر تێیدا نیە خۆشی )*
بێ گوڵیش
(ساقی دەروێشە جامێ شەراب بابێ)*
__________________________
* سووکایه‌تیی نییه بە که‌مئه‌ندامان.
* رێزم بۆ شەهرام نازریی و مەزهەری خالقیی.
* گەورە شاعیری گەلەکەم هێمنی نەمر بمبوورە.
* ، * بمبوورن ناوەکانیانم لەبیرچووە.
