كورسیكا ته ….هه‌لز عه‌لی سه‌لیم
كورسیكا ته چه‌ندا بزه‌وقه
ده‌ما خه‌ونێن ته یێن زاروكینی و
خه‌یالان تێكه‌لی ئێك دكه‌ت!
هه‌می تشته‌ك ده‌ورانه و
ل ده‌ورانێ ژی
هه‌می تشته‌ك
ل پاش خه‌ونێن مروڤی دمینیت
بتنێ خه‌ونێن ته
بهوسته‌كێ ژی ژڤێ كورسیكێ
دویر ناكه‌ڤن..
كاربه‌ده‌ستو
كاربه‌ده‌ستو
نه تو دلاپه‌رێن شاعران دا
دهێیه نڤیسین و
نه‌ژی ناڤێ ته
دكه‌ڤیته سه‌ر چ نوتێن موزیكێ
و سترانێن خه‌مگین ژی
ته ژبیر نابه‌ن..
خه‌ونێن ته
دڤێن به‌ریكانێ دگه‌ل عه‌وران بكه‌ن و
سیاربونا ته ژی
ژ مونیكا نه ده‌ركه‌ڤیت
دیتنا ته و باژێرێن خه‌ونێن ته
ل سه‌رێ گران دهێنه ئاڤاكرن و
ل بلنداهییان ته دڤێت ته‌ماشای كولكێ مه بكه‌ی
كولكێن مه كوخێن بێ خودانن!
ژ قرێژا ده‌ستێن ته
دولار ژێ دكه‌ڤن و
و ژ په‌قینا ده‌ستێن مه ژی
و ژ په‌قینا ده‌ستێن مه ژی
زكێن زارویێن مه قرقرێ دكه‌ن
ته ئیمزا خوه
ل سه‌ر هه‌می لاپه‌ران
به‌لاڤه‌كریه…
دناڤبه‌را من و ته دا
هێلێن سور و ئیمزا ته‌نه
خه‌ونێن ته بربه‌زانێ
دگه‌ل عه‌وران دكه‌ن و
خه‌ونێن من
و خه‌ونێن من
ژ ده‌رازینكا مالا مه ده‌رباز نابن!
ئه‌ڤرو بهارا شكاندنا كورسیكانه و
سورترین هێل
درێژترین خه‌ون
لبه‌ر مایكه‌كی و كامیره‌كێ
دویرتریین گوند و
مه‌زنترین باژێر
دبنه ئێك مال…
دبنه ئێك مال…
