ناوی سه‌رۆک جاشی فه‌وجه سووکه‌کان و …..
31.10.2010 یه‌کشه‌ممه
ده‌رسیم دیبه‌گه‌یی
Darsim2006@hotmail.com
ناوی سه‌رۆک جاشی فه‌وجه سووکه‌کان و
مه‌فره‌زه تایبه‌تییه‌کانی سه‌دام به‌گوێره‌ی ریزبه‌ندی پیته‌کان
خوێنه‌رانی به‌ڕێز له سه‌ره‌تای ساڵی (2008)دا لیستێکی ناوی هه‌ندێک له سه‌رۆک جاش، مه‌فره‌زه تایبه‌تییه‌کانی سه‌ربه مه‌نزومه‌ی ئیستخباراتی شیمالی و ئه‌من و هه‌ندێک له پیاوه‌کانی رژێمم دروستکرد، به‌تایبه‌ت ئه‌وانه‌ی که به‌شداری شاڵاوی ئه‌نفاله‌کانیان کردبوو، ژماره‌یان له‌سه‌رووی (250) که‌سێک ده‌بوو. ئه‌و لیسته‌یه براده‌رێکی رێکخراوی چاودێری کوردۆساید داوای لێکردم بۆ زانیاری خۆی، که‌چی دواتر بینیم له زۆرێک له رۆژنامه‌کانی کوردستان و ماڵپه‌ڕه کوردییه‌کان بڵاوکرایه‌وه، وه‌لێ له ژێره‌وه‌یدا نووسرابوو ناوی ئه‌م سه‌رۆک جاش و مه‌فره‌زه خاسانه‌مان له‌لایه‌ن بنه‌ماڵه‌و که‌سوکاری ئه‌نفالکراوه‌کان بۆ هاتووه. ئه‌گه‌ر ئه‌و براده‌ره به‌ناوی خۆی یان به‌ناوی رێکخراوی کوردۆساید بڵاوی کردبایه‌وه هیچ له دڵم گران نه‌ده‌بوو. سه‌ره‌ڕای ئه‌وه‌ش ماوه ماوه هه‌ر که‌سێک هه‌ڵده‌ستێ ناوه‌کان به‌ئاره‌زووی خۆی له رۆژنامه‌و ماڵپه‌ڕه‌کاندا بڵاوده‌کاته‌وه بێئه‌وه‌ی ئاماژه به سه‌رچاوه‌که‌ی بدات، بۆیه ئه‌و جاره قایل نابم هیچ لایه‌ن و که‌سێک ئه‌و لیسته‌ی خواره‌وه به ئاره‌زووی خۆیان وه‌کو ئه‌وه‌ی که خۆیان ئاماده‌یان کردبێت یان پێیه‌وه ماندوو بووبن، بڵاویبکه‌نه‌وه. …..
