![شهوێکی پاییز …. بهندی عهلی شهوێکی پاییز …. بهندی عهلی](https://dengekan.ca/wp-content/uploads/gcMigration/bandiAli_519561332.jpg)
شهوێکی پاییز …. بهندی عهلی
Closed
شار بهقژی پهخشانی شهو
خۆی داپۆشی
درهختهکان ڕووت و قووتن
ههناسهیان ئهبێ بهتهم
گهڵا زهرده وهریوهکان
ڕهدووی ڕهشهبا ئهکهون
ههور یهخهی خۆی دائهدڕێ و
بهخوڕ ئهگری .. هاوسێکانم
لهکهنار دهریاچهی خهوا
ڕاوی ماسیهسوورهکانی خهون ئهکهن
ژوورهکهم ، کپ و خامۆشه
شهقام لهودیو پهنجهرهوه
ههڵدهلهرزێ و
قژی شهو قهترانی خهمی لێ ئهچۆڕێ
پشیلهی ماڵه هاوسێکهی بهرامبهرمان
ئهویش لهپشت پهنجهرهوه
تێم ئهڕوانێ و
بهبزهی سهر لێوی زهردی گڵۆپهکان
چاوهکانی بریسکهیان دێ
من لهدهفتهرهکهی روحا
شیعرێک بۆ غوربهت ئهنووسم
ئهویش پهڕهی تهنیایم ئهخوێنێتهوه
ئای .. خودایه
ئهگریجه ڕهشماریهکانی شهوی غوربهت
چهند درێژن