Skip to Content

Monday, April 22nd, 2024
شێتێتی بێ كه‌نار …     جابر محمد جابر

شێتێتی بێ كه‌نار … جابر محمد جابر

Closed
by December 10, 2010 ئەدەب

 
              وه‌رگێڕانی له‌ عه‌ره‌بیه‌وه‌: صلاح جلال

 

له‌به‌ر ئه‌وه‌ی شێتیه‌كه‌ی بێ كه‌ناره‌
رێگه‌یه‌كی په‌ككه‌وتوی گرته‌به‌ر
 پرچه‌كانی شه‌ون
به‌یانیه‌ كانی
بارانێكی ته‌ڕبون به‌ هه‌ناسه‌ی ماسیه‌كان
(كاتێك ئه‌و عاشقی بو ئه‌میش به‌ هه‌مان شیوه‌ )
پشكۆی شیعری واز لێهێنا 
چه‌ته‌كان  ده‌ستیان بۆ به‌رز ده‌كرده‌وه‌
ئه‌وه‌نده‌ی به‌س بو.. كه‌ رێ كوێره‌ی گوڵی رۆح بگرێته‌ به‌ر
 گۆرانی روباره‌كان،
به‌با شوروی سه‌ریه‌وه‌ ئاوێزان بون
بۆ ئه‌وه‌ی پێش به‌ڵاكه‌ی بكه‌وێت
پشتی به‌بروسكه‌ و
 تۆفان به‌ست
 وه‌له‌ دوا جاردا…
په‌نای برده‌ به‌ر چه‌نه‌بازی بێده‌نگی
هه‌نسكی شوشه‌یی چاوه‌كانیان له‌وێ جێهێشت
له‌ كه‌ناری شاره‌كه‌وه‌
-دڵخۆشی له‌سه‌ر كڵۆم درا-
وازی له‌و چۆله‌كانه‌ هێنا كه‌ پاسه‌وانی ده‌كردن
كاتێك دڵنیا بو له‌ ناڵه‌..
وتی:
شێتێتی..
یاری زیره‌كه‌كانه‌..
ئه‌ندێشه‌ تیایدا ده‌گاته‌..
ئه‌و په‌ڕی سنوره‌كانی
پاشان گه‌ڕایه‌وه‌
له‌لای ئه‌و دیواره‌وه‌
چۆله‌كه‌كانیش
له‌ بیره‌وه‌ریدا ده‌نوكیان لێده‌دا
به‌خۆشیه‌وه‌ ده‌یانجریواند

له‌ گۆڤاری هه‌نار ژماره‌ 58 له‌ نۆڤه‌مبه‌ری 2010 بڵاو بۆته‌وه‌.

 

 

Previous
Next
This site is registered on wpml.org as a development site.