دیدار و دیده‌نی …. سه‌لام محه‌مه‌د
Closed
خودایه گیان
گه‌ر شاعیرێك له‌م مه‌نفایه
یه‌ك جار چاوی به دیدارت بکه‌وتایه
یه‌ك جار به‌ر له مردن ، رۆحی
به بینینت شادببوایه
ئه‌وسا ئیتر
له کێوی تووریش خێراتر
دڵی گڕی بگرتایه ….. بسووتایه… هه‌ڵقرچایه
هێشتا ته‌واو به‌خته‌وه‌ر و ئارام ئه‌بوو
چونکه ئه‌وه سووتان نییه و
ئاسووده‌ییه‌کی ره‌هایه
داگیرسانێکه سه‌رمه‌دیی
رۆشناییه‌که ئه‌به‌دی
خه‌ونێکه خۆش
هه‌رگیز هه‌رگیز دوایی نایه !
سه‌رنج : له ژماره 58 ی گۆڤاری هه‌ناردا بڵاوکراوه‌ته‌وه
* * *
