Skip to Content

Sunday, March 3rd, 2024
شێروان خدر ….. ژوانی هاوین

شێروان خدر ….. ژوانی هاوین

Closed
by January 10, 2011 ئەدەب

 

ئه‌و ئه‌ستێره‌یه‌ی دراوسێی ماڵه‌که‌تان بوو
رووناکیه‌که‌ی له‌به‌ر په‌نجه‌ره‌که‌ی چاوه‌کانتدا
ده‌دره‌وشایه‌وه‌.
دوێنێ له‌ به‌ره‌به‌یانییه‌کی زوودا
چه‌ند وشه‌یه‌کی گومبووی
له‌ ناو ده‌فته‌ره‌که‌تدا دۆزیه‌وه،‌
ته‌نها چه‌ند وشه‌یه‌ک!
له‌ هاویندا وێناکردنی جوانه‌!
دوای نووسینه‌وه‌ی بۆشاییه‌کانی ئاسمان
به‌ جارێک کوژایه‌وه‌!
تۆ ته‌نێ به‌ ته‌نها مایته‌وه‌!
***
شه‌رمی پیاوانه‌
ئه‌و کاتانه‌ی ئه‌ستێره‌ به‌ دیار دیداری مانگه‌وه‌
خۆی رووت ده‌کرده‌وه‌
سه‌ری خۆت ده‌خسته‌ ژێر سه‌رینه‌که‌ته‌وه‌!
***
ئه‌ستێره‌ناز
ده‌فته‌ره‌که‌م جێگای سه‌رنجێکی تێدا نه‌ماوه‌
ئه‌ستێره‌یه‌ک باڵه‌کانی به‌سه‌ر روومه‌تمدا ده‌خشێنێ!
ئێ جێگایه‌ک نه‌ماوه‌ بتنووسمه‌وه‌
جاران زۆر نه‌رم  وێنای مه‌مکم ده‌کرد
زۆر نه‌رم  وێنای باران و ره‌نگم نووسیه‌وه‌
زۆر نه‌رم له‌ ژندا ده‌ڕژام
جێگایه‌ک له‌ ناو ده‌فته‌ره‌که‌مدا نه‌ماوه‌
تۆ ئه‌مجاره‌ بمبه‌وه‌ بۆ لای خۆت
نازی کوڕانه‌م له‌ ده‌فته‌ری خۆت بنووسه‌وه‌!

مێلبۆرن – ئوسترالیا
1-1-2011

Previous
Next
This site is registered on wpml.org as a development site.