Skip to Content

Thursday, March 28th, 2024
نامه‌کاني عيشق حه‌زێکی سه‌رشێتانه‌

نامه‌کاني عيشق حه‌زێکی سه‌رشێتانه‌

Closed
by January 14, 2011 ئەدەب

 
ئازیزه‌که‌ی هه‌میشه‌ له‌ یادم رۆزه‌خان

سڵاوێك له‌ حه‌ره‌می ته‌نيايي جه‌سته‌و ناخه‌وه‌ بۆ ئازيزترين و شيرينترين خۆشه‌ويستم
شيرينه‌که‌م ………
ده‌کرێ کاتێکی خۆتم بۆ ته‌رخان و واڵا بکه‌يت ، گوێ له‌ ئازاره‌کانی شه‌وێکی ته‌نياييم بگريت ، ئه‌و ئازارانه‌ی زۆرجار له‌ سه‌رو بنی لێوه‌وه‌ درکاندوومن خۆت لێدوور گرتووم ، لای من نيوه‌ی شه‌و ده‌مێکه‌ گوزه‌ری کردووه‌ لای تۆيش ره‌نگه‌ که‌مێکی دی بۆ نوێژی گزنگ و به‌خشين بوون ڕاچه‌نیت و منيش هه‌ر بۆ ئه‌وین و عیشقی تۆ له‌ ته‌ک حه‌رف و وشه‌ و قه‌ڵه‌م وهزر و بیرکردنه‌وه‌تدا گێنگڵ بخۆم و خۆم بخۆمه‌وه‌ تۆیش له‌ ئامێزێکی چڵکن ، ئه‌و ده‌مانه‌ له‌ کڵاوڕۆژنه‌ی ژووره‌که‌مه‌وه‌ ده‌ڕوانمه‌ ئاسمانی پڕله‌ جريوه‌ی ئه‌ستێره‌ ، ئه‌و ئه‌ستێرانه‌ی چاو بۆ عیشقی ئه‌زه‌لی دوو ره‌گه‌ز ده‌بریسکێننه‌وه‌ به‌ ته‌نێ له‌ ژوورێکی سارد و سڕ و ئامێزانی نه‌ک خاڵی بگره‌ وێران و شه‌که‌ت بۆ ئازیزان ئۆقره‌ی لێبڕیووم ، ده‌فکرمه‌ شه‌وانی هاوسه‌ریبوونمان و ئولفه‌تگرتن له‌ سه‌ر یه‌ک سه‌رین و شینداگرتن بۆ جه‌سته‌ی یه‌کدی ، له‌ ناخه‌وه‌ بۆ ئه‌وین و تینوێتی یه‌کتر و جووتبوونمان جۆشبین و غه‌ریزه‌کانمان له‌ ناو یه‌کدی بتوێنینه‌وه‌ .
ئازیزم …..
ده‌زانی ته‌ماسگرتن له‌ گه‌ڵ یه‌کتر یانی ته‌ماسکردن له‌ گه‌ڵ غه‌ریزه‌کانی ناخمان و توانه‌وه‌ له‌ که‌ف و کوڵی ده‌روونمان ، هه‌نگی ئه‌و خۆشه‌ویستییه‌مان وه‌ک گڕه‌ ئه‌زه‌لییه‌که‌ی باوه‌گوڕگوڕ بۆ توانه‌وه‌یه‌کی دی جۆشده‌گرێت ، له‌ گه‌ڵ ریتم و میلۆدی ئیشق کڵپه‌گرتووتر ده‌بێ ، ئه‌رێ تۆ ده‌زانی بۆ خۆت ده‌توانی ئه‌و عه‌قڵه‌ ژه‌نگگرتووه‌ی که‌لتوور تووڕ ده‌ی و له‌ گرێژنه‌وه‌ هه‌ڵیته‌کێنیت ، به‌ئارامگرتن و ئۆخه‌ی کردنت له‌ ئامێزی ته‌نیاییم و پووکانه‌وه‌شی هه‌ر دوو رۆح و جه‌سته‌ ده‌خولقێ بۆ سه‌ر له‌ نوێ زیندووبوونه‌وه‌ی عیشقێکی نه‌مروود و نه‌بیستراو ، که‌چی تۆ غه‌ریزه‌کانت به‌ نائومێدی و له‌ نامورادیا ده‌توێنه‌وه‌ و دڵ و حه‌زه‌کانت له‌ ته‌ک دڵ و ده‌روونما ئاوێته‌ ده‌بن ، وه‌لێ جه‌غار ئه‌و هۆگر بوونه‌ی دڵت ساتێ ئه‌و سنووره‌ عه‌قڵ ژه‌نگگرتووه‌ی تووڕ نه‌دا تاوه‌کو له‌حزه‌یه‌ک له‌ ئامێزی ته‌نیاییما خه‌ونه‌کانی به‌دی بێنێت ، مه‌رامه‌کانی ئه‌وین مه‌یسه‌ر بکه‌ین ، ده‌زانم تۆیش هێنده‌ی من بۆ تۆ  تۆ بۆ من له‌ مه‌راق و تاسوقی جه‌سته‌مای ، لێ شه‌رم وحه‌یاو ترس و عه‌یبه‌ له‌ نیوه‌ رێ پێم ده‌ڵێ تا ئێره‌ و به‌س ئه‌مه‌یش هه‌تره‌شی بردووی ، منیشت له‌تله‌ت و ئه‌نجن ئه‌نجن کردووه‌ ساتێ ناپرسیت چیم به‌ سه‌رهاتووه‌ ، مروه‌ت و ئاوڕه‌کانت هه‌میشه‌ ساردن جێی ته‌نیاییم گه‌رم ناکه‌نه‌وه‌ ،جه‌سته‌ی گڕگرتووم حه‌زه‌متبووه‌کانی له‌ بار ده‌چن و ئه‌و کۆرپه‌له‌یه‌ی له‌ ژانی خۆی راناچه‌نێ تا هاوێربوونی غه‌ریزه‌کان به‌ جه‌سته‌ی نامۆ بوونمان هه‌ڵبزنێت .
ئازیزم…………..
دووری مه‌ودا وای کردووه‌ یه‌کدی بینین له‌ زه‌مه‌نی نزیکدا له‌ قاڵبدانی نیمچه‌ مه‌حاڵدا چه‌قببه‌ستێت، هه‌ر خه‌ون و خه‌یاڵیشه‌ ده‌بنه‌ واقیعێکی سه‌رشێتانه‌ ، بشێ ئه‌وه‌ مه‌یسه‌ر ببێت ؟ ئه‌رێ ئه‌و زه‌مه‌نه‌ سه‌رگوزشته‌ و یاده‌وه‌ری خۆی بۆ ده‌هاتوو تۆمار ده‌کات و ده‌نووسێته‌وه‌ ؟ با نهۆبه‌ کامی دڵ حه‌زه‌ شێت و هاره‌کانمان پێک بگه‌ن و به‌س هێنده‌ سه‌ره‌تاتکێ بۆ یه‌کدی بکه‌ن ، با مه‌رامه‌کانمان له‌ نێو هه‌نگڵی شنه‌باوه‌ به‌ سه‌ر باڵی ئه‌ستێره‌کانه‌وه‌ به‌ یه‌کبگه‌ن  ئه‌و له‌زه‌ته‌ پڕ خرۆشه‌ مه‌حف بکه‌نه‌وه‌، ئه‌و ده‌مانه‌یش وه‌ک تۆزی به‌ر پێت جارێکی دی راست ده‌بمه‌وه‌وبه‌ باڵاتا هه‌ڵده‌زنێم و دبێژم حه‌زم لێته‌ با تێکه‌ڵ بینه‌وه‌ ، ئه‌ز قه‌ت له‌ تۆ و له‌ جوانی چاوه‌کانت و دیقه‌تی باڵا و بۆنکردن و ماچبارانت تێر نابم ، ئیدی چۆن پێم ناڵێی له‌ حه‌ژمه‌ت ئه‌وانی دی ناپووکێمه‌وه‌ و نابمه‌ ره‌ژووی کوانووی ئاگردانت  ؟ به‌ڵکو به‌زه‌ییه‌کت پێمدا بێته‌وه‌ به‌ فوویه‌کی کووانووه‌که‌ ته‌پ و تۆزی ژیله‌مۆییم به‌ سیما و رووخسار و سینه‌ و جه‌سته‌ته‌وه‌ ده‌نووسێ و تا ده‌مانی رووناکی رۆژ خاوبوونه‌وه‌م ناتۆرێت و به‌ هه‌ر جارێکی دی فووکردنت له‌ ئاگردانه‌که‌ بۆ حه‌زه‌کانم زیندوو ده‌بمه‌وه‌ عیشقیشم له‌ نمه‌ بارانه‌وه‌ ده‌بێته‌ رێژنه‌ی به‌خووڕ و شه‌سته‌ و هه‌میشه‌ به‌ باڵای خوان و چاوه‌ پڕ له‌ جیلوه‌کانی عتشقت راده‌گوزه‌رێم و نوێ ده‌بمه‌وه‌ هه‌ر نوێ ده‌بمه‌وه‌ قه‌ت تێرت لێناخۆم  ئازیزم …. ده‌سا روحمێک

15/10/2010

سه‌ردار جاف
به‌لجيکا

 

Previous
Next
This site is registered on wpml.org as a development site.