نامهی شاعیرێك …. بژار
شوێنێك ههیه له کوردستان ، ناویان ناوه لوتکه ئاوا
لوتکه ههمووی لهسهر زهویین ، کهچی چوون به ههتاوا
شوێنێك ههیه له کوردستان ، ناویان ناوه یانهی بڕوا
بڕوا لهوێ نیشتهجێیه ،
کهچی له ناو دارستانێك دڵی گهرما
بوو به گوڵ و به ڕێحانه و به ئایندهی سهوز و ڕووا
شوێنێك ههیه له کوردستان ناویان ناوه چرای مهبهست
چرا لهوێ ههڵکراوه ،
کهچی لای خهڵك بوو به کڵپه و کڵپهش بوو به چهکی ناو دهست
شوێنێك ههیه له کوردستان ، ناویان ناوه بێشهی ئاوات
ئاوات لهوێ نهڕۆشتبوو ،
کهچی له ناو شارهکانی تریش ههر خۆی جمهی دههات
X X X
لهو شوێنهدا خولیای مرۆڤ بۆ ناسین و هێنانهوهی
ئهو مافانهی زهوت کراوون ، ههورێکی پڕ به بارانه
بۆ هاتنه دی ئهو خهونانهی نایهنه دی ،
مژدهیهکی خهمڕهوێنی تهتهرێکی بێ هاوشانه
لهو شوێنهدا خواستهکانمان دهبنه ڕهنگ و
ڕهنگیش پهلکه زێڕینهیهك له ساماڵی کوردستاندا
هیواکانمان دهبنه کووره و کوورهش دهبێت
به ڕۆژێکی بچکۆلانهی پرشنگ هاوێژ له ناوماندا
لهو شوێنهدا دهنگ ههڵبڕیت ، دهنگدانهوهت
له ساماڵ و له بههار و ڕزگار بووندا نهخش دهبێت
به ئاستهمیش چاو ههڵبڕیت ، ڕوانینی تۆ
به ناو تیشکی ههڵڕژاو و
وهرزی ههڵسانهوهی خهڵکا پهخش دهبێت
له و شوێنهدا کۆبوونهوه
بۆ بابهتی هێنانهوهی زهردهخهنهی لێوهکانه
کۆبوونهوه بۆ پێوانی ئهم ههڵسانهی کوردستان و
بۆ بهراوورد له جیهاندا به ههڵسانه مهزنهکانه
X X X
لێیانگهڕێن ، ئهو کۆمهڵه بروسکهیهن
که له ههوری ڕاپهڕینی یهکهمهوه داکهوتوون
چهند ڕۆژێکه ، چهند پلهیهك ، له پێناوی ههموومانا
به قاڵدرمهی ئازادیدا بۆ سهرهوه سهرکهوتوون
لێیانگهڕێن ،
کاروانێکن باری گزنگ لهبهر دهرکی سهرا دهخهن
ڕووناکیمان به پانتایی کوردستاندا بۆ ڕادهخهن
لێیانگهڕێن ، با بزانین ووشهی ئهوان
یان دووبهرهی ههنگویین تامی شیرینتره
با بزانین بیری ئهوان ،
یان شینایی ئهم ئاسمانهی لهسهرمانه بهریینتره
لێیانگهڕێن ،
ڕاچهنینی ڕێنیسانسی داهاتووه ، دایگرتوون
ههڵاتنی ڕۆژی نوێیه ،
وا به گهرمی له مهیدانی ئازادیدا ڕایگرتوون
X X X
ئهم ئاپۆڕا خرۆشاوه ،
که ههر ئاوا وهکو قهڵا ، لهو بهردهرکی سهرایهدا ڕاوهستاوه
دهنگی شۆڕش ،
شۆڕشێکی مرۆییانهی بێ خوێن ڕشتن له ناویاندا ڕاتهکاوه
ئهم ئاپۆڕا خرۆشاوه ،
که دهواری دروشمی نوێی بۆ ڕاپهڕین لێههڵداوه
ووشهی نان و ئازادییان ،
ههر بهو خوێنهی که ڕژاوه ، لهگهڵ یهکدا گرێداوه
ئهم ئاپۆڕا خرۆشاوه ،
که دهسهڵات له کوردستان
وهکو ماڵه کۆنی دێیهك له ئاستیانا داتهپاوه
هیوای گهشیان به دواڕۆژیان
گڵۆپێکه له ناخیاندا ماوهیهکه داگیرساوه
ئهم ئاپۆڕا خرۆشاوه ،
که سیمایان له گزنگی دهمهوبهیان پڕکراوه
له مهیدانی ئازادیدا ،
مژدهکانیان به ڕووی خهڵکا وهکو شهونم ههڵپژاوه
X X X
بژار 2011-03-07
